投資七位數開童裝店 梁詠琪有意追B

　　【晴報專訊】梁詠琪（Gigi）老公Sergio Crespo早前將西班牙著名童裝品牌引入香港，有見pop up store反應不錯，遂決定在銅鑼灣開實體店。Gigi一家三口昨日出席新店開幕儀式，好友鄭秀文（Sammi）和楊千嬅現身到賀。

Gigi一家三口為童裝店做生招牌。

　　Gigi表示囡囡Sofia雖然已三歲，但她初生時的嬰兒衫依然保存良好，捨不得送給人，問到會否因此萌起追多個的念頭？Gigi坦言有考慮過，女兒更經常說要自己生個妹妹，有時會把洋娃娃塞入肚皮嚷着要生BB，令Gigi哭笑不得。

　　新店坐落高級商場，投資了七位數字，可有回本壓力？Gigi表示︰「租金貴都唔係第一日嘅事，反而希望達到收支平衡。」目前Gigi做生意又兼顧幕前工作，她坦言自己生意會較上心，她還會經常落舖，畢竟做生意要親力親為。問到她與老公可曾為生意出現拗撬？Gigi表示兩公婆向來鮮有拗撬，雖然有時會有點分歧，但大家會有商有量、互相尊重，即使遇上任何問題都會變成小問題。

千嬅賴天氣凍拒造人

千嬅坦言現在逛街都會睇囝囝的衫和書本為主。

　　千嬅見到多款童裝也急不及待選購，除了為兒子Torres揀衫，還買來送給朋友，問她是否早前與老公去冰島旅行時造人？她笑言︰「咁凍，無造人啦，我呢個年紀再生真係要計劃，如果生女就最好，不過我同個仔講，生BB要靠天意，佢就話乜都唔知。其實有時見到佢一個人好悶，不過好彩六、七歲呢個年紀，大人都可以陪佢玩family game。」