• |
  • 極速報價
  • |
  • 會員
  • 產品服務 / 串流版
  • 設定

09/01/2019

為囝囝健康著想 胡杏兒接種流感疫苗

  • 加入最愛專欄
  • 收藏文章

  【晴報專訊】胡杏兒擔任噴鼻式流感疫苗的教育大使,早前拍攝平面廣告及宣傳短片。踏入流感高峰期,杏兒也變成緊張大師,昨日出席宣傳活動時,透露為了現時15個月大的兒子Brendan的健康著想,已經接種流感疫苗。

 

胡杏兒經常提醒丈夫李乘德注意健康。

 

  胡杏兒昨日出席記者會時表示,接任大使時已第一時間接種疫苗。她說︰「我經常周圍飛,以前覺得傷風感冒無乜大不了,只顧工作都唔太理,但依家有咗小朋友,就好怕傳染畀家人。」由於Brendan年紀還小,近日流感肆虐,平日愛帶囝囝出街的杏兒,這段時間也盡量避免帶他到人多擠迫的地方,亦會經常為他洗手。

 

胡杏兒昨日偕醫生及廣告小男孩,齊齊推廣噴鼻式流感疫苗。

 

  談到過往打針的慘痛經歷,杏兒坦言自己極怕打針︰「細個嗰陣,父母帶我到診所打針,我嚇到係咁尖叫同搗亂,護士都驚咗我。」問到Brendan可有遺傳對打針的恐懼?她笑說︰「可能囝囝太細個乜都唔識,又未識嗌痛,帶佢去打針都好順利,或者再大啲就無咁易呃。」她表示慶幸Brendan出世以來相當健康,至今15個月大都沒有大病痛,不過早前她患感冒,即使留在家中都會戴口罩,以免將細菌傳給家人。

 

望母子拍廣告留念

 

  早前杏兒偕一位小男孩齊齊拍疫苗廣告,昨日活動上,這位可愛小男孩更當正杏兒是媽媽般,全程「黐」到實。問杏兒可有興趣與囝囝Brendan一齊拍廣告?她笑言若有機會也可考慮,因為可以日後留念,但她笑說︰「不過小朋友比較難控制,驚佢唔聽我講就搞到好失禮。(囝囝對鏡頭敏感度高?)我覺得佢特登唔望鏡頭,哈哈!」問到會否追個豬BB?她只表示正努力中,若有好消息會向大家公布。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生