【晴報專訊】容祖兒昨日推出全新廣東主打歌《一種永遠》MV，今年適逢祖兒入行20周年，她特別以新歌迎接年中舉行的演唱會。祖兒特別穿上重磅珠片衫，又全身搽閃粉拍攝MV，她笑言雖然一身造型令她感覺全身僵硬，但為靚依然值得。

容祖兒穿上珠片戰衣，大曬修長美腿。

　　容祖兒表示《一種永遠》的歌詞，正好反映她20年來追尋夢想的心路歷程：「呢20年經歷過唔同嘅磨練都唔容易，我唱呢首歌嘅時候都係有一種激情，希望自己可以飛得更遠、更高。」新歌MV在台灣拍攝，找來曾奪台灣金曲獎的導演比爾賈操刀，祖兒說：「導演諗咗一個超現實嘅故事，有穿越嘅感覺。MV開始有個小妹妹，喺好耐以前灌溉音樂嘅種子，將好多心機、心血擺喺泥土入面；而我係未來嘅人，回到過去，最後同小妹妹有交流。」

全身搽閃粉

　　拍攝當日，祖兒不但要穿上一件重量級的珠片衫，更要全身塗滿閃粉，她笑言搽完閃粉後，感覺全身僵硬：「因為要喺兩隻手臂黐閃粉，搞到全身黐笠笠，頭髮又落咗好多gel，加上條裙質地好硬，成個人硬繃繃！」

祖兒特別喜歡MV營造的迷幻感覺

　　導演在拍攝現場特別安排一個大圓台，圓台上的LED屏幕播放祖兒多年來的經典MV，令她十分感動，想起很多過往的畫面。她笑說雖然在全身僵硬的情況下拍攝，但過程其實相當舒服：「好多時候都係坐喺度、瞓喺度，最大嘅動作只係打開隻手。不過導演呢個精心嘅設計，令我好震撼，完美咁將我想要嘅畫面呈現出嚟，我都好期待呢個MV。」