27/02/2019
想開紅館騷 陳小春︰搵老闆其實唔難
【晴報專訊】陳小春與太太應采兒、楊千嬅、鄭希怡等前晚到澳門出席春茗晚宴,小春近日忙於在內地各站開巡迴演唱會,他坦言眼見好友鄭伊健開紅館個唱,自己也心癢想在香港開騷,但大呻紅館檔期極難申請。
陳小春表示不會任鄭伊健演唱會嘉賓,但會以觀眾身份捧場。
陳小春稍後到天津、武漢及澳門開演唱會,會否在香港開騷?他笑說︰「(紅館檔期)好難攞,我唔識搞申請呢啲嘢,今年唔得咪出年囉。」他表示日前去紅館探好友鄭伊健班,坦言見到對方綵排,自己也心癢癢想開騷。會否積極找老闆投資?他說︰「搵老闆投資唔難,但開一場就難。(考慮眾籌或自資?)唔使啦,我只係打工。」提到伊健演出期間不慎跌咪,小春大讚伊健識執生︰「我無試過跌咪,只試過無拉拉鏈同甩鞋,我就好型咁跳住舞著番隻鞋。」
應采兒(右)纖瘦現身,孖老友鄭希怡到場。
另外,小春太太應采兒被傳懷孕,不過前晚應采兒大曬纖瘦身形。小春回應說︰「多謝你哋心地咁好,希望在明天!我屬羊,太太屬豬,我哋都想生,咩生肖嘅BB都好,有消息一定通知大家!」
楊千嬅想見余文樂囝囝
楊千嬅早前帶囝囝到日本滑雪,盡興而回。
同場的楊千嬅下月舉行內地巡迴個唱,她表示正忙於練歌、排舞及健身︰「上次開騷操到好瘦,今次想著重體能,抵抗天氣變化。」提到她與余文樂主演的《志明與春嬌》快將十周年,她笑說︰「我都唔記得咗,依家余文樂好忙湊仔,我都未見過佢個仔,我一定會去拜會佢。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇