04/03/2019
做速遞送碟上癮 田蕊妮加推「蜜蜜送」答謝Fans
【晴報專訊】田蕊妮今年初推出第二張大碟《Saturnian》,為力谷新碟,她早前推出「阿田蜜蜜送」,歌迷買夠十隻碟,她便親自送碟上門。昨日她出席活動時,笑言心思思想繼續速遞送碟行動,以答謝肯付錢買實體碟的歌迷。
阿田想走勻全港唱片店舉行簽名會。
田蕊妮(阿田)、鍾舒漫及MIRROR昨日出席港台活動,阿田即場獻唱新歌《半段路》。事後她自爆原來首次在公開場合唱live:「之前都係唱人哋歌,第一次唱自己歌,台下有觀眾,原來會好緊張。之前出碟撞正拍劇,無乜時間宣傳。」
早前阿田推出「蜜蜜送」,三位買夠十隻碟的幸運歌迷,獲她親身送碟上門兼簽名selfie。她笑言想繼續加名額:「依家買咁多隻實體碟好難得,我唔覺辛苦仲好開心,感恩有人願意畀錢買碟支持。」問老公杜汶澤買了多少隻?她笑說:「佢話架車無CD機,咁叫佢喺屋企聽,我就喺屋企送畀佢。」
鍾舒漫被妹妹婚訊嚇親
鍾舒漫自爆有圈外發展對象。
同場的鍾舒漫(Sherman)提到妹妹鍾舒祺秘密與圈外男友註冊結婚,Sherman笑說:「一年前妹妹提過想結婚,我以為佢講下,點知早排佢突然話喺情人節結婚,聽到嗰下都嚇親,不過戥佢開心,佢同男友識咗十年,只係佢想低調註冊,稍後再公布。」
轉載自: 晴報
【你點睇】本港主要銀行跟隨美聯儲減息,你對樓市前景有否信心?► 立即投票