07/03/2019
甄子丹謙稱唔係Fit馬
【晴報專訊】甄子丹與蔡加讚的愛駒「宇宙車神」,已於去年初退役,子丹有意入紙再申請一匹馬出賽,但會跟太太汪詩詩商量。他表示揀馬最緊要fit,但並不認為自己是「Fit馬」。
甄子丹連續七年成為「打吡大使」。
甄子丹昨日以「打吡大使」身份,到跑馬地馬場出席「寶馬香港打吡大賽」記者會,擁有馬主經驗的他,被問到在揀馬方面是否要合眼緣?子丹表示︰「我覺得揀馬都係揀啲好fit、靚仔,有一定嘅魅力。」記者笑問他自己又是否「Fit馬」?他謙稱︰「其實唔係㗎,我唔去keep就會走樣,托賴咁多年我都算keep到。」
家人一直是甄子丹的最強後盾。
甄子丹又透露,每日盡量在開工前或者出trip都會做運動,他謂:「好似打吡咁當係新開始,突破自己,演員要keep住個態度。」
陪老婆歎芝士漢堡
提到本月底將演出陳木勝執導的動作新戲,問他要keep到幾多磅?他解釋︰「我最肥係153磅,最瘦係145磅,其實fit唔fit係睇肌肉紮唔紮實,靈唔靈活,有無爆炸力。」至於飲食方面會否戒口?子丹自爆︰「如果有應酬、飯局,我會平衡番,噚日我老婆話要食芝士漢堡,咁我又鍾意食,仲食咗double,雖然我近排操緊,仲要喺夜晚睇戲之前食,唔健康但好滿足。」
轉載自: 晴報
【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票