【晴報專訊】張敬軒前晚在《KKBOX香港風雲榜頒獎禮》打頭陣演出，獻唱新歌《YOU》等四首歌曲。軒仔笑言入行多年，第一次推出跳唱歌曲：「我都幾享受睇新歌MV，因為春光無限，自己著冷衫，dancers就半裸。（陪他們半裸演出？）拍攝當日我未有準備，等MV過200萬點擊率先啦，等我全身操fit啲，到時半裸著平腳泳褲，三角泳褲就唔好啦，我驚太驕人呀。」

軒仔表示新歌製作費過百萬元，相當揼本。

　　軒仔為了11月舉行的個唱，找來教練操肌，需要增重20磅：「嗰20磅係肌肉唔係脂肪呀，趁依家仲跳得郁就豁出去囉！（找關智斌一齊操肌？）佢咁瘦，我唔覺佢有操喎。」

 軒仔笑言男dancers在MV中半裸跳舞，令人目不暇給。