【晴報專訊】鄭裕玲（Do姐）與農夫的陸永、C君又再合作，眾人最近為保險公司拍廣告片，他們指Do姐在拍攝時試過即場爆肚：「我退休你哋仲有乜嘢做？」結果一句說話就把農夫K.O.，令兩人招架不住。

鄭裕玲與兩位似足酒樓部長的農夫，昨日在記者會上大談拍攝趣事。

　　農夫在廣告片表現風趣鬼馬，更要反串扮女人，造型相當搞笑。C君抵死謂︰「今次扮女裝真係有難度，最後生嘅造型已經參考咗Do姐！」記者問農夫是否擔心Do姐退休，令他們無得撈？他們笑言還可以唱歌的。Do姐說拍攝前導演給她很大空間發揮，她又向農夫大派定心丸，強調未有咁快退休。Do姐更笑指同農夫合作，有時都會令她招架不住，農夫即說︰「你用權威已經閘晒啦！」三人唇槍舌劍，火花四濺。

農夫拍攝保險廣告反串扮女人，造型惹笑。

　　提到陸永的反串造型，其中揈頭髮的動作令人噴飯，連Do姐都嫌他們扮女人好肉酸，不夠親民。記者笑問他們是否扮Do姐？Do姐即搶答︰「唔好話扮我！」問到今次滿意酬金嗎？C君說︰「扮女人都仲要有酬勞都算係咁，拍嗰個（導演）係精神虐待！」至於C君的女裝扮相可有嚇親未婚妻DJ黃天頤？他笑謂︰「男裝都嚇親佢啦，佢都接受咗，可能視力有問題。」身旁的陸永笑言︰「簡直係視障同好大膽啦。」

C君12月娶老婆

　　已落實12月結婚擺酒的C君，問Do姐是否出席？Do姐竟半開玩笑說︰「無乜嘢我會影張相、擺低人情就走㗎喇。」轉數快的C君回應︰「最緊要擺低人情，唔影相都得，我之後發相畀你。」之後，Do姐建議他取消玩新人環節，覺得欠新意，C君又繼續搞笑︰「唔玩新人，咁玩舊人囉！玩阿爸阿媽、外父外母，玩嗰啲未結婚嘅。」令Do姐忍俊不禁。不過，C君知道Do姐一向早睡早起，還稱會考慮朝早擺酒。