11/04/2019
《淪落人》無帶挈工作 秋生苦笑︰遲啲轉行睇風水
【晴報專訊】黃秋生憑電影《淪落人》入圍香港電影金像獎最佳男主角,更被視為大熱,不過他前晚出席首映禮時,坦言電影雖先後為他帶來多個影帝獎項,但沒有增加工作機會,揚言將來進修紫微斗數,轉行睇風水。
黃秋生自學紫微斗數多年,表示十分困難。
黃秋生、姬素孔尚治、葉童及李璨琛等前晚出席《淪落人》慈善首映禮,早已憑電影奪多個影帝的秋生表示應會出席周日舉行的金像獎頒獎禮:「(戰衣)已經準備咗,之前有諗過唔去,朋友話我唔好咁幼稚,但我怕出到去會惹是非,講嘢要就住不如唔好講,開口講嘢又怕人誤會,唔去就唔使講囉。不過依家咁嘅身世(已奪多個獎項),咁畀面,咁多人愛護,又受觀眾歡迎,咁就去囉!」
秋生笑言得獎與否沒有壓力:「(獎項)又唔係非我莫屬,個個都有可能。」提到早前連奪多個影帝獎項後,可有帶來更多工作機會?他說:「無乜工作,咁先弔詭,以前咁樣會好多工作,我半隻腳踏出呢個圈,依家得閒畫下畫,進修紫微斗數,遲啲轉行睇風水、幫人開盤。」
李璨琛日後少駕車
李璨琛大讚其餘四位男配角候選人個個演技好。
同場的李璨琛憑《淪落人》角逐最佳男配角,他自言以平常心看待,反而更想恩師陳果奪最佳導演。另外,李璨琛去年因醉駕被罰停牌及上駕駛改進課程,他預計下月重獲車牌:「見過鬼怕黑,今次係好好教訓,以後會揸車,但睇情況,接載囡囡或者會揸車。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇