• |
  • 極速報價
  • |
  • 會員
  • 產品服務 / 串流版
  • 設定

18/04/2019

【安心出軌】 黃心穎IG認錯︰羞愧、歉疚 馬明公開維護︰佢仲有好多路要行

  • 加入最愛專欄
  • 收藏文章

「安心出軌」網民抽水 杜汶澤戥蔡一智慘

 

阿澤拿着濕紙巾,提點楊天宇偷食記得抹嘴。

 

  杜汶澤前晚與英皇師弟楊天宇出席活動,提到「安心出軌」事件轟動全城,阿澤自言與黃心穎胞姐黃心美較熟稔。提到蔡一智與心穎撞樣,在IG被網民留言洗版,阿澤抵死說︰「可能真係蔡一智呢,你哋猛話係黃心穎。」

 

  杜汶澤前晚與楊天宇以代言人身份,出席日本健膚品品牌UL‧OS發布會,兩人在席上除衫量度胸肌鬥身材,最後阿澤以43吋巨胸大勝楊天宇的37吋胸肌。阿澤搞笑說︰「我大過佢,不過佢長過我,我講隻腳呀。」期間阿澤狂抽「安心出軌」事件,他手持潔面濕紙巾,以前輩身份「提點」楊天宇說︰「做男人,最緊要識得『自己搞掂』,偷食都要記得抹嘴。」又笑指該濕紙巾的綠色包裝很應景,當他看到楊天宇與女主持人十分好傾,又鬼馬說︰「咁好傾,陣間收工去搭的士啦!」

 

  阿澤透露該品牌在日本邀得織田裕二擔任第一代代言人,香港方面就找他推廣及獻唱廣告歌。現場有人要求阿澤唱live,他笑言難得唱廣告歌,會積極考慮入紙紅館開騷。平日可有護膚習慣?阿澤直言很懶惰,反而太太田蕊妮會迫他敷面膜,他說︰「一塊嘢撻落嚟,好鬼辛苦,我至怕,可免則免啦!」

 

自嘲無靚女埋身

 

蔡一智(右)因與心穎「撞樣」而遭網民洗版,十分無辜。

 

  談到黃心穎與許志安車廂攬啜,以致滿城風雨,阿澤表示跟雙方都不熟︰「我覺得蔡一智慘啲,見佢個IG係咁畀人鬧,係咪認錯人呀?你哋睇清楚未㗎?可能係蔡一智呢,你哋猛話係黃心穎。」問他會否惹來很多艷福?阿澤自言不太受男男女女歡迎,又指老婆阿田一向好放心︰「因為我生得醜,所以從來唔擔心呢個問題,亦無呢啲煩惱。」

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生