【晴報專訊】陳家樂與陳瀅昨日宣傳劇集《廉政行動2019》，「雙陳」因合作拍劇而傳出緋聞，其熒幕情侶的形象也為觀眾受落。不過陳家樂自爆未獲陳瀅粉絲接受，而女方則反指有fans對家樂有性幻想。

陳家樂自言與陳瀅愈來愈有默契。

　　陳家樂、陳瀅、鄭則士及賴慰玲等昨日齊齊宣傳新劇，眾人即場分組炮製「廉署咖啡」。鄭則士在台上搞笑尊稱雙陳為「家樂哥」及「陳瀅姐」，令二人有點尷尬。陳家樂和陳瀅接受訪問時，提到他們的熒幕情侶形象頗為觀眾受落，家樂笑說：「觀眾都接受我哋一齊演戲，都幾有默契。」陳瀅則說：「好多人覺得我哋好順眼！家樂啲fans又無嬲，仲好接受我。」

鄭則士認為演員無分輩份，應互相交流。

　　家樂聞言說：「但係陳瀅啲fans好似好唔接受我，我見討論區啲人猛話陳瀅好靚，但點解陳家樂會喺度！」陳瀅即踢爆：「唔係喎，我見好多人話喺性慾方面對家樂有幻想！」問到陳瀅對家樂是否有幻想？她只說：「無乜！因為相處太耐。」問他們對彼此有何感覺？陳家樂說：「只係朋友嘅感覺。」

外婆認錯「吳家樂」

　　問到家人有沒有看他們演出？陳瀅表示外婆有追看，更讚她的演技有進步：「婆婆都識家樂，但成日叫錯佢做吳家樂或錢嘉樂。」而家樂則說：「我屋企人讚陳瀅演得好過我。」可會介紹雙方家長認識？家樂說：「陳瀅講英文，我屋企人唔識講英文，驚溝通唔到。」