• |
  • 極速報價
  • |
  • 會員
  • 產品服務 / 串流版
  • 設定

29/04/2019

自覺未夠Fit 祖兒預告個唱性感無極限

  • 加入最愛專欄
  • 收藏文章

  【晴報專訊】《第23屆全球華語榜中榜頒獎典禮》前晚在澳門舉行,容祖兒、楊千嬅及古巨基分別奪兩個獎,大家平分春色。祖兒換上性感透視魚網衫造型,在台上勁歌熱舞,將於八月舉行紅館個唱的她,預告屆時不設性感底線。

 

容祖兒現已開始為個唱鍛練。

 

  容祖兒前晚獲得「亞洲影響力最受歡迎女歌手」及「Channel V亞洲音樂風尚大獎」,她穿上bra top襯魚網衫大跳勁舞,但訪問時卻穿上外套。她笑說︰「我覺得自己仲未夠fit,喺台上就話有燈光呃下,但喺後台就唔敢,到時演唱會先啦,性感無極限。」她自言並非行性感路線,搞笑稱擔心個唱主打性感,會引來退飛潮︰「我試過着一件低V到肚臍嘅衫,朋友笑我係咪露背脊!但我自己幾驕傲,因為有衣架嘅身形。」

 

  提到祖兒早前與好友關智斌(Kenny)到日本滑雪,她說︰「我學咗三日,其實好驚整親,因為唔想喺演唱會前受傷。不過公司想我拍啲片,我又想挑戰啲未做過嘅嘢。」雖然祖兒成功挑戰滑雪,但不慎弄傷頸部,要看醫生治療。

 

  同場的千嬅獲得「榜中榜最佳女歌手(港台)」及「Channel V最佳演出現場」兩獎,提到她的佛山個唱門票在五秒內售罄,千嬅開心說︰「可能我好耐無喺佛山開騷,所以大家好熱情。依家每個周末都要飛去開騷,所以之前復活節特登攞假陪個仔。」

 

楊千嬅同老公互相信任

 

楊千嬅大讚老公丁子高注重健康,更會看管她的飲食。

 

  千嬅老公丁子高早前有份去「安心飯局」,千嬅說︰「佢(老公)係公關,梗係好多飯局,不過當然屋企飯最好食。」問她可放心老公出席飯局?她說︰「我覺得咁大個人,唔只係佢,佢都會睇住我,最緊要提自己身體健康,唔好令對方擔心。兩夫妻最緊要係信任,依家我哋最擔心反而係阿仔嘅健康,唔可以亂食嘢。」

 

林志玲前晚大騷三吋事業線,性感程度爆燈。

 

  另外,有傳許志安本來會出席頒獎禮,更有份獲獎,但疑受「安心出軌」事件影響,臨時被取消得獎資格,認真禍不單行。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生