【晴報專訊】麥明詩（Louisa）最近盛傳被「鋼鐵大王」龐鼎元的孫兒龐榮怡追求，前晚她錄影遊戲節目《娛樂大家》時，否認對方是追求者，又自言屬「辛苦命」，不會做豪門少奶奶。

享受單身的麥明詩，目前專心工作。

　　麥明詩與張曦雯（Kelly）前晚為《娛樂大家》擔任嘉賓，問麥明詩是否被「富三代」龐榮怡熱烈追求？她否認說：「無，佢唔係追我，我哋係認識五、六年嘅朋友，但佢唔係圈中人，所以我唔回應咁多。」她笑言麥玲玲曾批算她是「辛苦命」：「師傅批我唔會嫁入豪門，同我本身諗法一樣，我都想努力工作。」

　　不過麥明詩透露目前有一、兩位追求者，她說：「我未搵到啱嘅，但我唔心急拍拖，反而阿媽急過我，所以為咗媽咪着想，希望大家唔好再畀假希望佢。」

張曦雯美國進修演技

張曦雯正跟隨鄧小巧學唱歌，希望有更多登台機會。

　　同場的張曦雯稍後回美國探親，並到洛杉磯修讀短期演藝課程：「我未受過基礎演技訓練，課程係當地嘅演員朋友介紹。（去荷里活發展？）我仲未係一個好出色嘅演員，等我叻啲先再算啦！」提到她有份演出的《法證先鋒IV》，落實由湯洛雯頂替黃心穎，她說：「劇組有問我檔期，但我一早攞咗假去讀書，加上我只係客串，所以暫時唔使重拍。」