【晴報專訊】王君馨（Grace）和林芊妤（Coffee）昨日出席香薰活動，二人穿上緊身舞衣展示優美動作。提到Grace在《鐵探》一幕險被強姦戲惹來話題，Grace坦言拍攝時雖然辛苦，但總算是值得。

王君馨計劃兩年後生BB，要有充裕時間調理身體。

　　講起《鐵探》，王君馨強調那場戲未有被歹徒強姦，她解釋：「大家留意往後嘅劇情，捉到呢個有精神問題嘅歹徒，就會明白。」

　　見到袁偉豪和她當時淋着雨拍攝，是否很凍、很辛苦？Grace笑言原本只安排落微微雨，但監製想慘情一點，臨時決定落一場傾盆大雨，「被雨照頭淋，連對眼都撑唔大，全程眼矇矇睇嘢，不過出嚟效果好也是值得。」問到老公可有收看？Grace說：「老公無睇到，因他平日只係陪我睇電視，但我最近忙緊拍攝《唐人街》，所以夜晚冇睇電視。」

Coffee囝囝大隻B

Coffee爆當年子宮有事，醫生曾指她懷孕機會低。

　　此外，Grace大讚Coffee是全香港最好身材的媽媽，Coffee則表示︰「產後好快復元，都是全靠做瑜伽。」Coffee的囝囝目前六個月大，體型似足九個月大，醫生指BB較長，有22磅亦算是正常比例，她認為BB健康已很滿足。