• |
  • 極速報價
  • |
  • 會員
  • 產品服務 / 串流版
  • 設定

22/05/2019

新劇再現「丁蟹效應」? 秋官︰唔好賴我

  • 加入最愛專欄
  • 收藏文章

  【晴報專訊】鄭少秋(秋官)主演的ViuTV劇集《詭探前傳》正在熱播,一如以往播出秋官的新劇時,都巧合地遇上股市大跌,最近股市出現急挫,不少股民即刻諗起秋官的「丁蟹效應」,對於再被指影響跌市,秋官笑言大家不要賴他!

 

秋官將到新加坡和美加開騷,未必趕及回港與女兒慶祝父親節。

 

  秋官前晚出席周年酒會,對於股市下跌茅頭指他是「罪魁禍首」,秋官笑言︰「股市嘅事唔好賴我,係特朗普搞屎棍,哎呀!乜佢咁惡都有㗎,丁蟹都搞佢唔掂,自從佢搞中美貿易戰後,股市一直大海翻騰,係咁跌落去。(係咪再跌才入貨?)應該可以入喇啩,不過我唔玩,哈哈!我哋嘅領導人會有辦法對付佢,所以將會平穩向上,五窮六絕七翻身,股市五月開始跌得好緊要。」記者笑問秋官為何不提醒ViuTV避開五月,之後才播新劇?秋官說︰「又唔係嘅,可能佢專登呢,有話題就有人留意,呢啲整定嘅。」他又表示與太太都好穩陣,從來不敢投機,但買「磚頭」又貴,所以選擇買藍籌,至少不會蝕到入肉。

 

阿嬌最近愛上砌Lego,直言是消磨時間的好消遣。

 

  阿嬌早前與蔡卓妍(阿Sa)結伴到日本東京旅行慶祝Twins成軍18周年,阿嬌表示此行發生不少蝦碌事,「我喺台灣飛返香港再去日本,所以兩日飛咗四轉。我負責book酒店,阿Sa book機票,點知佢以為去番佢住開嗰間酒店,擺咗大烏龍!」由於抵達東京已是深夜,她們只逛了通宵百貨店。

 

阿嬌砌Lego車送畀老公

 

  提到賴弘國早前被影到獨自返台灣,阿嬌表示︰「其實嗰日我喺台灣,只不過我喺屋企砌Lego,老公同醫師開會食飯,佢攞住嗰碗湯係買畀我嘅。」阿嬌又指,花了三日砌好了一架保時捷Lego送給老公。

 

千嬅正為巡唱香港站申請紅館檔期。

 

  此外,楊千嬅最近忙於巡迴演唱會,稍後將到深圳、佛山和澳門演出,屆時可能帶埋兒子Torres去澳門。她透露巡演將至明年四月,希望香港是最後一站。

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生