【晴報專訊】黃翠如與蕭正楠（Edwin）在新西蘭註冊結婚一周年，上月在峇里舉行婚禮。昨日是翠如從峇里返港後首度公開露面，幸福之情全掛在臉上。她表示婚禮是送給家人及至親，連黃爸爸也被感動氣氛感染而落淚，但她指無意在港補擺喜酒。

翠如提起峇里婚禮即顯得甜絲絲。

　　黃翠如昨日與伍樂怡等在將軍澳出席活動。問她何時決定要舉行婚禮？她笑言其實只花了一個月籌備，兩家人連伴郎、伴娘共15人出席。翠如解釋：「每個爸爸媽媽都想自己個女正式嫁出去，所以婚禮可以講係純粹為咗家人，我同Edwin唔想驚動大家，所以低調進行。」

蕭正楠與外父黃永華。

　　翠如表示她揀峇里的原因，除了方便家人，亦不想長輩坐長途機太辛苦。她補充說︰「爸爸拖住我交畀Edwin，仲話照顧我唔夠好，叫Edwin照顧得我好啲，佢講到呢度，我同Edwin都忍唔住，而爸爸都喊出嚟。」

蕭正楠承諾聽老婆話

翠如對Edwin做人夫後的表現給予滿分。

　　問到Edwin今次可有再作出承諾？翠如笑謂︰「佢都係話會將我照顧得好好，聽晒我話咁囉。咁佢呢一年裏面，比婚前更聽話，每次佢離港，返到屋企第一時間會抹我架車先，仲會日日幫我用風筒吹頭。」是否刻意趁結婚一周年補搞婚禮？她說本來是的，但最後還是相差幾日，不過翠如強調不會在港擺酒，這段時間已收到各方友好的祝福，好開心。

　　可有在峇里「造人」？翠如笑言還未，她稍後飛日本和大馬，其實沒度蜜月計劃。她說兩人夾到時間就去旅行，去幾日已滿足。