【晴報專訊】何超蓮和內地男星竇驍早前公開戀情，二人不時在社交網放閃，早前超蓮生日，竇驍更寫詩冧爆女友。前晚超蓮孖好友薛凱琪（Fiona）到電視城錄影無綫節目《娛樂大家》，Fiona大爆竇驍極度呵護超蓮，更會主動剝蝦殼，相當細心。

蜜運中的何超蓮特別容光煥發。

　　何超蓮、薛凱琪、王灝兒（JW）及丁子高等，前晚以嘉賓身份錄影遊戲節目《娛樂大家》。超蓮與Fiona相當老友，早前Fiona為超蓮慶祝生日時，現場其他友人更拍下超蓮與男友竇驍傾電話的冧樣。Fiona取笑超蓮說：「佢無時無刻都咁sweet！」超蓮則推說已忘記當時是否正在與男友講電話。

超蓮與竇驍獲網民大讚外形合襯。

　　Fiona表示早已見過竇驍，因早前一班朋友飯聚：「超蓮係個好專一嘅女仔，應該搵個錫佢嘅男朋友，佢哋都好幸運遇到對方。竇驍對超蓮好好，有禮貌、斯文又有風度，我仲見過佢幫超蓮剝瀨尿蝦，總之凡係有殼嘅食物，佢都會幫超蓮剝！」超蓮聞言雖一臉尷尬，但亦不忘大讚男朋友有風度。

薛凱琪想再拍劇

薛凱琪去年演出網劇《蝕日風暴》。

　　另外，超蓮提到首次錄影遊戲節目，笑言相當興奮，皆因她從小已很渴望登上《超級無敵獎門人》。問她可有興趣拍劇？她笑說：「拍劇對我嚟講太遙遠啦，不過頭先趁錄影前，喺電視城行咗個圈，見到好多熟口熟面嘅場景，去到餐廳又有好多美食好吸引。」至於Fiona表示若有好劇本及好對手，她也有興趣再拍無綫劇集，更笑說想跟超蓮演對手戲。