• |
  • 極速報價
  • |
  • 會員
  • 產品服務 / 串流版
  • 設定

13/06/2019

拍戲誤傷發哥有「報應」 黃德斌︰我個頭腫晒

  • 加入最愛專欄
  • 收藏文章

  【晴報專訊】黃德斌和陳豪昨日出席美容集團午宴活動,帶病現身的黃德斌透露忙於趕拍電影,而且有連場動作戲份,更要被對手用玻璃樽扑頭,引致頭部又紅又腫,是否周潤發派導演來報仇?他笑言︰「一定係!」

 

黃德斌日前拍戲被對手連環扑頭,簡直風水輪流轉。

 

  黃德斌早前與周潤發拍攝電影《驕陽歲月》一場動作戲時,錯手打傷發哥頭部致血流披面,更要入院縫針。昨日黃德斌聲沙沙出席活動,他表示目前患上重感冒︰「睇咗醫生都唔得,因為我拍緊戲,可能唔夠休息,十日都未好番。」德斌又透露近日拍攝動作場面,十分辛苦,他說︰「演員仲有甄子丹、謝霆鋒,我係甄子丹條team,做警察,要一個打十幾個,慘過同甄子丹打。」

 

發哥早前被黃德斌扑傷頭部,頭破血流。

 

  德斌自爆戲中要被對手連環扑頭,他說︰「有場戲講我哋成班人搏鬥,我畀佢哋扑頭,扑咗好多個鐘,要第五個take先搞掂,我個頭腫晒。(導演係咪發哥嘅朋友?)一定係啦!我都未知之後仲有咩動作戲,不過唔緊要,最緊要拍出嚟好睇。」

 

陳豪土耳其玩咖啡占卜

 

陳豪即席沖咖啡給台下嘉賓品嘗,令全場起哄。

 

  至於陳豪則剛由土耳其返港,在當地拍攝鄭裕玲(Do姐)和農夫主持的節目,他表示︰「我哋去試土耳其咖啡,用咖啡渣占卜。」陳豪指占卜結果令他莫名其妙︰「佢叫我唔好買嘢,但我都唔知自己要買乜,好玄,哈哈。」陳豪又大爆Do姐和農夫經常互窒,他笑言︰「我都睇慣咗,唔窒先有問題。」可有乘機入貨購買咖啡?陳豪指︰「有望下囉,本身屋企都有土耳其咖啡。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生