• |
  • 極速報價
  • |
  • 會員
  • 產品服務 / 串流版
  • 設定

13/06/2019

韌帶撕裂排期做手術 滕麗名想坐輪椅拍《愛•回家》

  • 加入最愛專欄
  • 收藏文章

  【晴報專訊】滕麗名(阿滕)、劉丹、周嘉洛及吳偉豪昨日到將軍澳出席運動用品店開幕,阿滕昨日一拐一拐現身,原來她早前在內地拍電影版《尋秦記》一場動作戲時,因左右腳不協調,導致右腳膝蓋韌帶撕裂九成,需要排期做手術。

 

滕麗名表示手術後亦要做運動,防止肌肉萎縮。

 

  滕麗名昨日表示醫生正為她排期做微創手術,預計手術後需坐一個月輪椅。有傳《愛•回家之開心速遞》受製作部影響而停拍,問阿滕會否因傷停工?她澄清說︰「無,我都照開工,希望劇組寫啲我跛咗嘅情節,等我可以坐輪椅拍,之前我請咗一個月假拍《尋秦記》,已經非常唔好意思。」

 

  阿滕表示幸好《尋秦記》拍至尾聲才受傷,劇組亦特別準備腳架、拐杖等讓她完成文戲,現已完成所有戲份。同場的劉丹(丹爺)笑說︰「有人話《愛•回家》停拍,可能就係因為阿滕呢件事,先令大家誤會。我有睇報道,李寶安都話胡說八道同無可能,只係阿滕要休息幾日啫。」阿滕即笑說︰「相信都唔會(停拍),因為我已經攞咗出年三、四月嘅假期,準備去滑雪,如果要停拍、停播,我就唔使攞假啦。」

 

劉丹有見前新抱楊冪

 

劉丹一提孫女小糯米即笑不攏嘴。

 

  另外,快將父親節,問丹爺會否三代同堂慶祝?他笑說︰「梗係會啦,阿仔(劉愷威)依家喺內地拍戲,到時應該返嚟慶祝。」提到孫女小糯米日前五歲生日,丹爺為孫女舉行派對慶祝︰「大家都好開心,邀請咗好多同學仔,最開心係家長,難得咁多人聚會同集郵。佢爹哋(劉愷威)緊張到喺內地拍緊戲,都打電話嚟遙控我哋點布置場地,訂咗好多幾呎高嘅氣球,孫女好開心,走嗰陣唔捨得啲氣球,係咁喊。」丹爺透露小糯米父母劉愷威及楊冪專誠請假回港,為小糯米慶祝生日。

 

「朱凌凌」吳偉豪(左)及「安仔」周嘉洛近日深受廣告商歡迎。

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生