【晴報專訊】今屆港姐首輪面試雖然娛樂性十足，但也不乏高質素靚女，當中大送飛吻的Mina Yeung更是前港姐冠軍馮盈盈在香港大學的同學。馮盈盈前晚錄影《娛樂大家》時，大讚Mina當年是校內風頭躉，極有潛質入行。

馮盈盈大讚Mina Yeung比自己更出眾。

　　馮盈盈與麥明詩（Louisa）前晚在將軍澳電視城錄影節目《娛樂大家》，提到Mina Yeung參選港姐，馮盈盈表示對方是比她早一年畢業的師姐︰「當時我哋一齊參加攝影學會嘅模特兒活動，我喺大學仲係寂寂無聞，佢先係風頭躉！」她繼續大讚Mina說︰「大家誤會我係港大校花，其實Mina先係，佢當時已經贏得大專學界校花嘅美譽，我只係『食營校花』，佢係我偶像，好有潛質。」

Mina Yeung面試時以可愛突圍。

　　盈盈自爆另一入圍大熱、曾參選國際小姐的湯洛晴（原名︰黃嘉雯）也是她的朋友。提到對方已用回原名黃嘉雯，盈盈愕然說︰「吓！我哋識咗好耐，佢面試之前都問過我意見，佢本身做模特兒又有選美經驗，好有潛質。之前我喺活動見到佢，仲向經理人引薦佢參選，點知一年後佢參加咗。」

麥明詩拗柴頂硬上

麥明詩自嘲論盡，所以經常弄傷。

　　同場的麥明詩亦有留意新一屆港姐，提到有自稱DSE尖子參選，但被取笑似足大媽，Louisa說︰「我明白，因為我以前都係掛住讀書唔打扮，不過咁先有潛質可以改善。」另外，Louisa前晚錄影前發生意外，在化粧間跣腳拗柴，弄傷右腳，即場包紮後如常錄影。她說︰「我之前去滑水，已經有少少傷。頭先着高踭鞋時唔小心跣一跣，我都慣咗周身傷患，陣間返屋企畀阿哥睇下，佢通常話過幾日好番。」