• |
  • 極速報價
  • |
  • 會員
  • 產品服務 / 串流版
  • 設定

16/07/2019

同竇驍閃婚? 何超蓮:無咁嘅計劃

  • 加入最愛專欄
  • 收藏文章

  【晴報專訊】賭王何鴻燊三房千金何超蓮,昨日到銅鑼灣出席Barbie六十周年活動。超蓮與現場扮成Barbie真人版男友Ken的外籍男模互動,不過超蓮透露一早婉拒大會叫她攬攬男模的要求,想必令男友竇驍十分安心。

 

何超蓮笑言小時候要考到100分,才會收到父母送的玩具。

 

  何超蓮昨日以一頭黑髮現身,否認為男友竇驍而染黑髮:「我真係無試過染黑,但男朋友都讚靚。」她坦言近日在香港忙於餐廳生意,少了到內地見男朋友,不過一對小情人會努力爭取時間見面。她笑指竇驍曾到她開設的牛肉麵店吃東西,最愛吃鹽酥雞。問她將來結婚時,會否考慮Barbie主題婚禮?她即說:「我唔會回應。(曾講過會閃婚?)幾時有講過,我無咁嘅計劃。」

 

竇驍

 

  超蓮雖然在大富之家出身,但她昨日表示小時候家教甚嚴,自己與孖生弟弟何猷啟的玩具不多。她說:「細個時一個玩具玩到爛,先可以換另一個,因為以前成日同細佬搶玩具,驚買太多我哋唔珍惜。」她搞笑說做龍鳳胎很慘,因為一人頑皮,二人受罰:「多數係細佬曳,我就遭殃,因為要一齊受罰。不過孖生都有好處,一齊被媽咪打屁股,可以互相開定凍水浸pat pat。」問到賭王可有出口相助?她笑說:「爹哋話會幫媽咪打,但會好輕力打,或者扮打,始終錫住我哋嘅。」

 

不應為生B棄養動物

 

雖然「真人版Ken」身材健碩,但未能成功迷倒超蓮。

 

  提到猷啟的愛女,超蓮表示很少買玩具給小姪女,她說:「姪女鍾意玩貓多啲!其實我對貓毛有敏感,所以由細接觸動物嘅話,免疫力應該會好啲,唔應該為咗生B而棄養動物。」提到應采兒在內地節目提出叫孕婦棄養寵物,超蓮表示沒有留意。另外,問她看見可愛的姪女,可會令她有生小孩的衝動?她笑說:「小朋友好得意,依家玩住先啦!」

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生