• |
  • 極速報價
  • |
  • 會員
  • 產品服務 / 串流版
  • 設定

01/08/2019

強調純屬朋友 陳思銘繼續約唐詩詠食飯

  • 加入最愛專欄
  • 收藏文章

  【晴報專訊】陳慧珊、楊羚、陳思銘及楊思琦等,昨日冒着八號風球出席香港開電視《2019下半年節目巡禮暨記者會》。有「教育界王力宏」之稱的陳思銘與唐詩詠傳緋聞多時,雖然陳思銘強調只是朋友,但大讚詩詠條件好,揚言會繼續約會女方。

 

陳思銘表示會與唐詩詠繼續互相了解。

 

  陳思銘昨日西裝骨骨現身,他表示將會與王貽興及黃心美主持新節目《男士堂》,介紹男士生活品味。提到他處男下海做主持,有否向緋聞女友唐詩詠取經?他笑說︰「好主意,不過無。(叫詩詠捧場?)唔好喇!始終我係第一次拍節目,雖然覺得好有趣,但工作人員應該覺得好無癮,因為我成日NG,所以遲下先!」

 

唐詩詠

 

  提到與詩詠早前被拍得「拍拖」買餸,陳思銘指朋友食飯見面很正常,何況當日是一班朋友聚會。與詩詠可有發展機會?他澄清彼此只是朋友,不會因此避嫌不見面,他會繼續約女方食飯。詩詠被封為「不能錯過的女友」,會否快手「落訂」?他笑說︰「個個都想識佢,好受歡迎,做朋友認識下先。(符合你嘅擇偶條件?)佢應該符合全港男士嘅條件,蘇醫生(詩詠在《白色強人》角色)很受歡迎,我都有捧場。(夠唔夠馬國明爭?)唐醫生都好睇,但我無見過真人。」

 

楊思琦自認廚藝差

 

楊羚(中)及楊思琦(右二)異口同聲會為仔女鑽研廚藝。

 

  同場的楊羚和楊思琦,為飲食節目《30分鐘大放餸》擔任星級嘉賓。楊羚說︰「我廚藝唔算差,如果要求唔高,都可以煮一圍餸,最拿手整咖喱魚蛋。」思琦直認廚藝一般,但做媽咪後已有進步,亦會視下廚作為親子活動。

 

轉載自: 晴報

etnet財經‧生活App        財智‧健康‧品味生活
【立即下載】
iOS版: http://goo.gl/5qT9Op
Android版: http://goo.gl/nc3xAn
我要回應

  • 生活副刊
  • DIVA
  • 健康好人生