• |
  • 極速報價
  • |
  • 會員
  • 產品服務 / 串流版
  • 設定

05/09/2019

與周秀娜譜姊弟戀? 余德丞:無暗交無拍拖

  • 加入最愛專欄
  • 收藏文章

  【晴報專訊】現年30歲的余德丞(Dickson),日前被指秘戀34歲性感女神周秀娜,兩人更被拍得鬼祟拍拖看電影;不過昨晚Dickson現身公開場合時,卻否認與娜姐共譜姊弟戀。

 

剛過生日的余德丞即與周秀娜傳出緋聞,但他否認戀情。

 

  Dickson昨晚與黃翠如、張寶兒及余香凝等到灣仔會展出席香港國際時裝展開幕,問Dickson是否可以恭喜他(拍拖)?剛度過30歲生日的他有備而來說︰「恭喜我生日快樂啦,啱啱過咗生日。」是否跟周秀娜慶祝?Dickson即擺媽咪上枱,自言生日當天身在家中,媽咪陪他睇波,他又說︰「呢排好忙,無去慶祝。」

 

  有指他跟周秀娜經已暗交三個月?Dickson澄清說︰「我哋認識咗一段時間,唔止三個月,唔係報道所講嘅暗交,亦都唔係拍拖,將來有無發展機會就唔知,講唔定。(有無追求過佢?)正常朋友交往。(佢追你?)應該都無。」Dickson的前緋聞女友蔡思貝表示已傳短訊祝賀他生日,並指會約他食飯,Dickson坦言收到對方訊信息,但因工作太忙,未知何時應約。問到周旋兩女之間是否很難揀?他笑問︰「揀嘢食?揀中餐定西餐?呢行個個都係靚女,做得呢行都預咗有呢啲新聞。」

 

老公開騷 翠如後台做阿四

 

黃翠如自嘲不懂唱歌,所以只會在台下支持老公蕭正楠。

 

  同場的黃翠如,提到老公蕭正楠近日為拍新劇刻意瘦身,她說︰「新劇話佢係一個好貪靚嘅人,所以佢近排都食少咗,減咗20磅,不過我覺得佢太瘦,叫佢食番多啲嘢。」翠如指蕭正楠不但減少食量,又狂做運動,自己很欣賞老公的毅力。而蕭正楠和曹永廉將於今晚舉行演唱會,問翠如可會上台表演?她笑言︰「佢哋都無邀請我,我喺後台打點就得,反正都有二奶(曹永廉)喺到。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生