• |
  • 極速報價
  • |
  • 會員
  • 產品服務 / 串流版
  • 設定

11/10/2019

自認「燈神」逢賭必輸 馮盈盈:買我對家就啱

  • 加入最愛專欄
  • 收藏文章

  【晴報專訊】馮盈盈與李天翔前晚在將軍澳電視城錄影遊戲節目《娛樂大家》,平日轉數甚快的盈盈原來玩遊戲極差,自認黑仔的她更幾乎逢賭必輸,連買樓投資也睇錯時機。

 

平日牙尖嘴利的馮盈盈,竟揚言不懂講大話。

 

  馮盈盈前晚接受訪問,她笑言每次玩遊戲都非常投入,可惜幾乎都慘敗收場。她笑說:「我去到邊輸到邊!我知道今次要玩『狼人殺』遊戲,事前都有同男朋友寶寶練習,但都係輸。」她自言是「誠實小寶寶」,不懂得講大話,所以經常被識穿。

 

  盈盈又大呻自己黑仔:「我係明燈無賭運,過大海(去澳門)賭錢,最高紀錄玩老虎機輸咗3,000蚊。可能我係賭仔心態啦,成日覺得下一鋪會贏。」她指連投資也觸礁:「投資真係涉及風險,我都好謹慎,但係我上年12月摸頂入市(買樓),真係好黑,暫時因為印花稅關係,仲未知會蝕幾多。」會否嚇怕男友寶寶?她笑說:「我有提醒身邊朋友,如果我再投資,記得買我對家,到時贏咗最好分番啲畀我。」

 

李天翔返娘家宣傳

 

李天翔自言演慣反派,希望嘗試不同角色。

 

  同場的李天翔早前已約滿離巢無綫,前晚特地回娘家錄影,宣傳台慶劇《解決師》。他笑言玩遊戲不夠叻:「大家唔好睇我扮得奸人多,以為我好醒好曳,其實我好蠢㗎。真實嘅我係好人,好多人都唔信。」回復自由身的他,希望兼顧電影、電視工作,問他會否返內地工作?他說:「之前都有人斟我返內地做嘢,不過合約傾唔成。我去邊度做嘢都無所謂,太太都好明白事理,就算要返內地做嘢,佢都會支持我。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生