【晴報專訊】陳煒（煒哥）與王梓軒在劇集《多功能老婆》大玩姊弟戀，昨日二人到新城電台宣傳時，王梓軒大讚煒哥夠甜，更直認拍劇時有少許愛上對方。煒哥則笑言拍接吻戲前，已向醫生男友備案，對方更大讚王梓軒斯文。

王梓軒與陳煒合作後成為好朋友。

　　前晚一集《多功能老婆》中，王梓軒因誤上陳煒座駕而初次相遇，梓軒落車時更將煒哥高踭鞋踢落車。他們昨日接受新城訪問，笑言這場初遇戲花了很長時間才完成。他們說：「因為條路係單程路，每次拍完一個鏡頭，都要兜大個圈番轉頭先再roll，加上又撞正落雨，拍咗好耐才完成。」

醫生男友唔呷醋

二人在《多功能老婆》中的姊弟戀十分純情。

　　梓軒在劇中飾演離地的富家子，煒哥會帶他到大牌檔食田雞。原來梓軒現實中未食過田雞，他笑說：「真係好恐怖，我聞到田雞味好腥，我仲要扮到食得津津有味，不過望住煒哥就乜都甜啦！」問他有否戲假情真愛上煒哥？他笑說：「少少啦！我要勒住自己，否則墮入懸崖，到時醫生（煒哥男友）會嚟搵我！」

　　煒哥預告在劇中與梓軒有不一樣的接吻戲，問煒哥有否擔心男友呷醋？「無呀，我平時都拍唔少親熱戲。梓軒都見過我男朋友，佢仲叫我男友放心，因為我哋喺劇中連手仔都無乜掂過。男朋友都讚梓軒斯文，係個好男仔。」梓軒聞言笑說：「可能醫生一見我就唔擔心，覺得女朋友點會鍾意我呢類型呢！」