• |
  • 極速報價
  • |
  • 會員
  • 產品服務 / 串流版
  • 設定

30/01/2020

拒與蔡少芬囝囝上契 陳法蓉:唔想分身家

  • 加入最愛專欄
  • 收藏文章

  【晴報專訊】新春佳節,蔡少芬(Ada)與陳法蓉(Monica)日前齊齊下廚煮兩道賀年菜︰「萬事如意五福袋」及「招菜進寶黃金蝦」,向大家拜年。兩位相識逾20載的好閨密,難得首次一齊下廚,即「針鋒相對」笑料百出,當中Ada更大爆Monica派「檸檬」,拒絕跟她的兒子張樂兒上契。

 

蔡少芬(左)與陳法蓉同屬美女廚神,賀年菜色香味俱全。

 

  有多年下廚經驗的蔡少芬與陳法蓉表現有板有眼,無論洗丶切、煎、炒皆無所不曉,自誇「煮咩都OK」的Ada,自言閒時經常入廚,女兒上學的飯盒及點心均由她一手準備,只是自從兒子出世後忙於照顧,才疏於入廚。她又向Monica「笠高帽」說︰「其實我哋兩個煮嘢都叻,叻喺唔同範疇,Monica蒸嘢好叻!」Monica聞言沾沾自喜說︰「我曾經喺蔡瀾節目煮過冬菇煀雞,蔡瀾試食後話係佢食過最好食嘅冬菇煀雞。」身旁Ada即神回︰「係咪蔡瀾從來未食過咋?」

 

蔡少芬的細仔張樂兒出生後,深得全家愛惜。

 

  二人無所不談,Ada更大爆秘密︰「我本身打算契個仔畀佢(Monica),等佢有條仔,仲要係靚仔,點知佢唔肯。」Monica搞笑「反擊」︰「點解要契呀?分身家畀你個仔呀?我有好多朋友都有小朋友,好難個個契。我又好鍾意你細女,唔通女我就唔契,仔就契咩?既然我同你關係咁好,唔使契啦。」

 

雙方粉絲曾互罵

 

  二人又話當年,提到她們首次一起出埠到台灣,Ada感激Monica全程為她做國語繙譯;二人03年合作內地劇《水月洞天》時,當時雙方的粉絲在網上互罵,Monica笑說:「後來我哋拖住手同粉絲講,我哋真係好friend,粉絲先無再互鬧。」

 

轉載自: 晴報

我要回應

放大顯示

精選文章

  • 生活副刊
  • DIVA
  • 健康好人生