• |
  • 極速報價
  • |
  • 會員
  • 產品服務 / 串流版
  • 設定

10/02/2020

婚期無受疫情影響 鄭俊弘笑何雁詩露背:怕佢凍親

  • 加入最愛專欄
  • 收藏文章

  【晴報專訊】鄭俊弘與未婚妻何雁詩前晚錄影節目《流行經典50年》,二人將於今年底拉埋天窗,雖然新型冠狀病毒肺炎肆虐,但他們表示婚期暫無影響,反而身邊不少朋友要延期行禮,惟有寄望疫情快點完結,港人身體健康。

 

鄭俊弘笑言不介意何雁詩穿得性感。

 

  鄭俊弘、何雁詩及譚俊彥等前晚在將軍澳電視城錄影,近日天氣寒冷,不過何雁詩仍然以大露背性感舞衣上陣,問鄭俊弘對未婚妻的打扮有何感覺?他搞笑說:「無所謂,佢開心就得,只係驚佢冷親!」他坦言新冠肺炎疫情影響部分工作,不過他參演的新劇《陀槍師姐V》會如期在月中開工︰「今次第一次演大反派,要好惡好霸氣,開頭都擔心唔似,不過試咗造型,有大紋身配合都ok。」

 

譚俊彥多得狄龍畀口罩

 

譚俊彥原定下月往內地拍劇,暫未知會否延期。

 

  至於何雁詩本要錄新歌,亦因疫情而押後,問到二人的婚禮可有影響?她說:「我哋今年年尾先行禮,所以暫時都無影響。不過身邊有朋友婚禮要延期,希望疫情可以快啲過,大家身體健康。」

 

  同場的譚俊彥表示早前一家四口去日本旅行,回港後亦自我隔離14日︰「小朋友唔使返學,我就做老師教下佢哋寫字,又同佢哋玩下跳舞機當做運動。不過太太喺日本買錯咗好多防花粉嘅口罩,結果得個桔!」但他表示全靠爸爸狄龍,家中才有足夠的口罩存貨:「爸爸平時好鍾意戴口罩,佢又拎啲畀我,所以屋企仲有幾盒存貨。」

 

  譚俊彥坦言受疫情影響,他與朋友合資的食肆生意大跌:「餐廳喺馬頭圍道,附近有確診個案,我同拍檔話六合彩又唔見我哋中!」他表示正考慮轉型,改為賣凍肉及外賣形式經營。

 

轉載自: 晴報

我要回應

放大顯示

精選文章

  • 生活副刊
  • DIVA
  • 健康好人生