05/05/2020
《十八年後的終極告白》逐步解謎 譚俊彥踢爆︰後晚就知誰是兇手
【晴報專訊】無綫懸疑劇《十八年後的終極告白》愈播愈有戲味,劇本夠張力兼演員配搭得宜,男主角譚俊彥(Shaun)演活機關算盡、亦正亦邪的會計師林朗生。他昨午向《晴報》爆料指,第14集(5月7日播出)將揭露真兇誰屬,更表示父親狄龍喜見他成功駕馭角色,卻笑稱︰「佢話好奇怪我識演戲!」
《十八年後的終極告白》開播至今好評如潮,劇情以七位中佬多年前牽涉入一宗殺人埋屍案作背景,吸引觀眾猜猜誰是兇手。該劇近日在內地「豆瓣網」獲8.6分,完勝上周五大結局、僅得6.3分的《機場特警》。
譚俊彥(中)大讚何遠東(左一)、陳山聰(右二)等兄弟開拍前做足功課。(網上截圖)
劇中多位配角何遠東、楊卓娜及尹詩沛等輪流演技大爆發,至於男主角譚俊彥既照顧兄弟,又孝順母親,更要為掩飾秘密口蜜腹劍,將會計師林朗生的多重人格,展現得淋漓盡致。
向張家輝羅嘉良偷師
陳山聰(阿一)與楊秀惠(家倩)的關係曖昧。(網上截圖)
昨午Shaun接受本報訪問,他直認今次角色性格沉悶兼平實,與過往的《包青天再起風雲》、《特技人》等角色大不同,他透露︰「我個角色好遏抑又神經質,經常要變臉,拍攝時每日都驚入廠,有幾次喊到收工揸車出將軍澳隧道仲喊緊!(是否最難演角色?)今次精神上好dark,每場戲都要沉重去演,不可放鬆,以前在內地拍劇演過變態角色都有幫助。開劇前都特別睇張家輝(《天地豪情》)同羅嘉良(《天地男兒》)佢哋演奸角嘅劇偷師!」
狄龍訓示要抽離角色
提到劇集反應奇佳,Shaun昨日回應︰「之前我主演幾部劇都麻麻地(反應),今年觀眾接受我多咗,用時間慢慢儲觀眾返嚟,有口碑希望劇集收視愈嚟愈好!(年尾有望爭視帝?)隨緣,有提名再算!」問及父親狄龍可有捧場,他笑言︰「佢有睇,話好奇怪我識演戲,好似呢類人格分裂嘅角色!仲提我拍完劇要識抽離角色!」Shaun又指劇集budget不多,太太即提醒他這樣才可以凸顯劇本和演技。
黃智雯飾演重案組督察,其父林嘉華(阮進)對她調查18年前的一宗殺人案非常關注。(網上截圖)
該劇今晚播出第12集,懸案真相逐漸浮現,Shaun透露後晚將揭露觀眾最關注的18年前殺人真相︰「到時會有重大轉捩點,知道邊個係兇手,我好快會正式同Madam阮(黃智雯)一齊,林朗生尾段亦要面對人生抉擇,將要承受之前做錯事的後果,我喺結局周有四、五場激烈喊戲。」很多觀眾今次對Shaun的演出刮目相看;有網民更指劇情有追看性,屬水準之作。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇