• |
  • 極速報價
  • |
  • 會員
  • 產品服務 / 串流版
  • 設定

06/08/2020

14日隔離期滿 薛家燕防疫「花弗」Look風騷出關

  • 加入最愛專欄
  • 收藏文章

  【晴報專訊】早前新城電台出現新冠肺炎確診個案,於新城主持節目的薛家燕,立即留在家中自我隔離,並取消錄影工作。家燕姐在14日隔離期滿後,前晚「出山」到電視城錄影節目《流行經典50年》。開心出關的家燕姐以粉紅花仙子晚裝襯花花口罩,再加透明面罩及隨身攜帶消毒器,防疫工夫做到足。

 

薛家燕在隔離期間悶得太久,前晚如「開寵雀」般滔滔不絕。

 

  薛家燕前晚大談隔離生活,她笑說︰「我未試過兩星期唔出街,連仔女都見唔到,佢哋整咗飯餸畀我,都係放喺屋企門口就走啦!」家燕姐坦言不習慣無得化妝,有日忍不住在家中set頭扮靚︰「我化晒妝,一個人喺屋企行嚟行去,唔想嘥咗就拍埋片。大女珊珊(石祐珊)喺美國,佢每日都打電話提我唔好出街,仲叫工人唔准我去街。」

 

一眾歌手藝員前晚錄影前,均戴上口罩保障彼此安全。

 

  家燕姐表示已做了兩次新冠病毒檢測,報告均為陰性,出關後即相約家人見面,去兒子家中為新抱慶祝生日,認真廿四孝奶奶。她坦言「出關」非常開心︰「第一日出關,我即刻去修甲、整頭髮、入貨,使咗幾千蚊,然後開開心心同新抱慶祝生日。」她又表示新城十分尊重她的意願,讓她暫時繼續在家中以網上直播形式主持節目。

 

姜麗文見舊愛鄭俊弘唔尷尬

 

  另外,家燕姐自言在隔離期間反思人生,決定疫情過後會減少工作,多抽時間跟仔女及男朋友去旅行,享受人生。她笑說︰「我有呢個決定,最開心係男朋友,不過佢都怕我得個講字。」

 

姜麗文已完全放下與鄭俊弘的舊情,也會考慮將來合作。

 

  至於同場的姜麗文前晚與譚嘉儀合唱,問姜麗文會否跟同場的舊愛鄭俊弘合唱?她即愕然說︰「吓!點解呀?」她自言和鄭俊弘並非第一次同場,所以不會覺得尷尬;而且她認為工作還工作,日後若有機會真的合唱也可以,因大家都熱愛音樂。問她是否已放下舊情?她說︰「當然,咁佢就快結婚,我自己都就結婚,而且過咗咁多年,唔會有任何負面嘢。」她又透露自資製作兩首歌曲,但因疫情暫時擱置推出︰「我儲咗四年錢先出到,我無諗會唔會蝕本,最緊要推出嘅時間適合。」

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

我要回應

  • 生活副刊
  • DIVA
  • 健康好人生