• |
  • 極速報價
  • |
  • 會員
  • 產品服務 / 串流版
  • 設定

20/01/2021

Edan令姐姐回春 小儀嫌棄姜濤︰唔係我鍾意類型

  • 加入最愛專欄
  • 收藏文章

  【晴報專訊】小儀、MIRROR成員呂爵安(Edan)及黃奕晨(Dixon)昨日為ViuTV全新節目《考有Feel》進行錄影,跟兩位「小鮮肉」主持節目的小儀,笑稱自己即時「回春」,又自薦要向拍攝港版《大叔的愛》的Edan擔任咀嘴指導,十分搞笑。

 

  三位主持昨日邀請MIRROR成員上台玩「彈出彈入」遊戲,又挑戰試食怪味「炸雞雪條」,不過姜濤在第一個環節便輸掉比賽。事後,小儀自爆致電監製欽點Edan做拍檔,她興奮表示︰「佢好有潛質,好有傻勁,令到姐姐我回春,又令到我有小粉絲嘅心態,我哋合作一定有好多火花,反而姜濤唔係我鍾意嘅類型。」

 

小儀如願跟Edan擔任節目主持,兩人亦顯得相當合拍。

 

  小儀又笑指在眾多合作過的拍檔中,Edan算是最靚仔,她表示︰「森美都靚仔嘅,金剛就靚喺內在美,呢種靚係得我同佢女朋友先發現到。」提到Edan將拍攝港版《大叔的愛》,小儀笑指︰「好緊張咀嘴呢一幕,我可以去現場做武術指導,即係咀嘴指導。」至於姜濤被問到小儀不喜歡他這類型?他即表示︰「呢啲係講緣份。」

 

Edan收男同學短訊示愛

 

  提到商台有清潔工日前確診新冠肺炎,小儀表示︰「我啱啱同商台請咗一個星期假,無接觸過嗰位同事,同埋做呢個節目時已經做咗檢測,我哋好乾淨。我知道全商台同事今日(即昨日)一齊做檢測,ViuTV好好,話會幫我做多次檢測。」

 

Anson Kong(左)的中指不慎遭友人的小狗咬傷,姜濤祝他早日康復。

 

  至於Edan則表示跟拍檔盧瀚霆(Anson Lo)太熟稔,所以跟對方拍《大叔》時不會感到尷尬,他說︰「我同佢講益咗佢啦!大家只係蜻蜓點水,唔會伸脷嘅,劇本無嘅自己唔會加,大家都未必接受到,呢個係好純嘅愛情故事。」Edan又自稱很受男同志歡迎,中學時曾收過男同學傳短訊追求。

 

轉載自: 晴報

【先到先得】訂閱etnet YouTube Channel,即可獲贈咖啡禮券!► 立即行動

我要回應

放大顯示
  • 生活副刊
  • DIVA
  • 健康好人生