【晴報專訊】去年正式成為執業大律師的朱千雪，昨日以師姐身份出席香港小姐「最後召集」記者會。雖然近年甚少亮相幕前，但千雪依然狀態大勇，不過她謙稱胖了少許，現在已再無勇氣像當年選港姐般穿泳衣示人。

朱千雪有意做今屆港姐的提名人。

　　前港姐季軍朱千雪昨日聯同師妹陳曉華、陳楨怡及郭柏妍等，出席港姐招募記者會。千雪笑言當年接受港姐訓練後，學識談吐、打扮及化粧技巧，問她現在打官司可會不自覺「丁字腳」企？她笑說：「咁又唔會。」她坦言參選港姐時，做了好多沒想過會做的事，例如大膽在鏡頭前穿上泳衣示人：「嗰時自己無為意肥瘦同尷尬嘅問題，如果依家叫我著泳衣見人，就真係唔得啦，以前後生就唔同，依家無本事咁做。」

朱千雪2012年選港姐時，身形纖瘦勻稱。

　　提到婚後是否幸福肥？自認「肥咗少少」的千雪笑說：「可能工作關係少咗郁動，不過同選港姐嗰陣嘅身形都差唔多。」至於會否重返幕前演出，千雪表示一切交給公司安排。

生B順其自然

　　另外，提到好姊妹岑杏賢正懷孕，千雪戥對方十分開心：「我想報名做BB契媽！我自己就順其自然（生B），唔想有壓力，雙方父母都無催我。」至於婚姻生活，千雪透露最近努力學煮飯，所以廚藝有進步，學識蒸水蛋及煲湯：「不過老公廚藝好好，我都向佢偷師。」同場的陳楨怡及陳曉華一見朱千雪即相當興奮，嚷著要跟她集郵，十足小粉絲。

陳曉華（左）及陳楨怡選港姐後，有不少演出機會。