• |
  • 極速報價
  • |
  • 會員
  • 產品服務 / 串流版
  • 設定

12/09/2018

九西兩女將開火 「中女廚房」食住講

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  而家九龍西補選都可以話係肯肯定由陳凱欣(阿欣)對戰劉小麗(小麗)咁滯。兩女對戰,相信無論係硬性新聞定軟性新聞都有返咁上下收視!不得不承認呢啲就係女士嘅優勢呀!今次兩位就開「火」喇!講緊係廚房個「火」呀!

 

 

 

阿欣先Po買餸片 開「火」遭截糊 

 

  嗱!Jenny噚晚就喺Facebook見到兩位Lady,咁啱齊齊展現自己入得廚房嘅一面噃!阿欣就去咗行街市買餸;小麗就拍住工黨李卓人(阿人)搞咗個「麗人廚房」,整沙律同意粉。

 

  其實阿欣早就喺上個禮拜就Post咗張老火湯相,同埋預告會煮餐飯畀大家睇,但係噚日就淨係買咗餸咁大把;反而係小麗同阿人就玩「突襲」,雖然都仲係慢過阿欣條買餸片4個鐘出,不過條片勝在有齊字幕同音樂,應該就唔係即日整得出嚟嘅。唔通係小麗上星期見到對家個煲湯Post之後,想搶先一步?不過可惜嘅係最後都係唔夠人哋擺個買餸Post快喇!

 

 

阿欣先Po買餸片。

 

小麗雞手鴨腳阿人滴汗

 

  心水清嘅網民應該已經留意到,兩位Lady都未真係落手煮㗎!阿欣就話下集就煮畀大家睇、小麗頂盡就係切下嘢,仲要切到雞手鴨腳咁……話晒兩邊都叫「廚房」,Jenny都好想快啲睇到兩位嘅廚藝呀!未有得睇大台嘅「美女廚房」,睇住「中女廚房」先都好呀!

 

 

阿人望住小麗切嘢,無奈到唔識畀反應。

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk
我要回應

你可能感興趣

  • 生活副刊
  • DIVA
  • 健康好人生