• |
  • 極速報價
  • |
  • 會員
  • 產品服務 / 串流版
  • 設定

12/10/2016

香蔥燜米鴨

  • 加入最愛專欄
  • 收藏文章
  • 韋太

    韋太

    韋太 (Irene Chan),烹飪導師,食譜作者及擔任食譜創作工作。

     

    曾獲多間大型機構邀請撰寫食譜。2009-2019年出版了14本個人創作食譜,分別是《自家製懷舊小食1&2》、《一口果香》、《小食多滋味》、《我愛手工麵包》、《你煮得到的家常菜》、《人氣曲奇蛋糕》、《韋太王牌甜品》、《人氣招牌家常菜》、《全手工低溫做麵包》、《最多人想學的前菜小食》、《簡易全雞宴》、《簡易調補家常菜》以及《簡易全肉宴》。

     

     

    本欄每周三更新

    我家私房菜

 

  平日大家的家庭菜色,相信甚少會選用鴨作為食材,除咗買燒鴨回來加料。

 

  但其實間中改變一下,會有新鮮感。若果唔係,煮來煮去都係雞翼、豬扒或鹽焗雞。

 

  急凍雞翼大家就經常食,今次選用急凍米鴨,細細隻,一餐過食完剛剛好。

 

  而且又方便,之前打風季節,天文台預早提示大家颱風將會黃昏時段會掛8號風球,市民就匆忙到街市買餸,工人姐姐話連急凍雞翼都售清,她就好聰明,買咗一隻急凍米鴨回來,都可以煮到一碟出得廳堂的菜色。

 

  所以,我都希望大家能夠嘗試多採用鴨來入饌,給自己及家人多幾道菜色品嚐。

 

香蔥燜米鴨

 

烹煮時間: 1小時

份量: 3-4人

 

 

材料: 

急凍米鴨    1隻 (約1500克) 

乾蔥頭      200 克 

蒜頭        4瓣

南乳        1磚 (約20克)

 

調味料:

冰糖        50克

生抽        2茶匙

老抽        2茶匙

幼鹽        1/4 茶匙

紹興酒      1湯匙

清水        400 -500 毫升

 

做法: 

 

 

1.米鴨解凍,清洗內臟後,瀝乾備用。

2.乾蔥頭及蒜頭去衣,切粒。

3.南乳醬連少許汁壓爛。

 

 

4.燒熱鍋/鑊落少許油,先將乾蔥頭及蒜頭爆香,然後加入南乳醬爆炒,加入100毫升清水將醬料拌勻及煮滾。

 

5.將米鴨背部放入鍋內煮5分鐘,然後反轉另一面,加入調味料及餘下清水煮滾。

 

6.蓋上鍋/鑊蓋,改慢火燜煮45-50分鐘,其間最好每隔15分鐘留意汁液的蒸發及20鐘後將鴨反轉另一面繼續燜煮。煮至鴨肉質霖身,用小刀容易插到入鴨髀內代表已霖。

 

7.將鴨放涼一會,斬件上碟。餘下汁液如太多,可只取一小部份,加入適量生粉水煮至杰身,淋在鴨上,即成。

 

韋太小貼士:

 

  買南乳多數會到雜貨店買,經常煮餸的可以買一樽,煮時可以連同少許浸南乳的汁一同壓爛。

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生