拍劇首次做男一 森美要學碧咸騷Body

　　【晴報專訊】森美在無綫拍過多套劇集，今次終於擔正。在新劇《過街英雄》中登上男一，未正式開工，森美已展露搞笑本色，逗得女主角黃翠如經常開懷大笑。在劇中飾演老鼠俠的森美，更揚言要仿效碧咸拍內褲廣告騷Body！

森美作狀扮老鼠俠相當搞笑！

　　森美、黃翠如昨日在將軍澳電視城出席新劇《過街英雄》試造型，森美和翠如曾一起主持節目《超強選擇一分鐘》，一齊拍劇還是首次，翠如稱當年森美拍過電影《我要做Model》，而她那時只是當「茄喱啡」。

需要特技化妝

翠如已有心理準備跟森美合作要忍笑。

　　據森美稱，劇中的角色性格精明，與飾演直率個性的翠如由不屑對方行為，到之後互相欣賞。由於森美要化身變成老鼠俠，所以都要靠特技化妝。首次擔正做男一，森美直認有壓力，但他仍不忘自貶︰「其實電影擔正但唔收得，都唔係未試過啦！」

　　他更自爆劇中會穿上制服，為了凸顯英雄角色擁有的健碩身形，森美表示︰「全身都有着衫，但盡量窄身show body，仲要服裝部畀多對襪我，以前曾經聽過話碧咸、方力申拍內褲廣告都要加對襪，至於對襪擺喺邊就唔知啦，我都驚擺錯呀，哈哈！」森美笑指不用刻意操弗，自覺目前的身形都呃到人。