【晴報專訊】容祖兒近日為某電子及電器零售連鎖店拍攝新一輯廣告，聯同一班香港及日本女Dancers玩盡古天樂（古仔）神曲《今期流行》。MV中，不單重現經典「拜神舞」，古仔更驚喜登場，可惜未見他施展舞技。很多樂迷高呼睇得過癮；有粉絲跪求古仔下次要落場跳埋一份！

　　昨午百老滙電器在FB專頁及各大網上平台，發布二次創作《今期流行》的別注版MV《幾時都流行》（古仔落場版）。一向是該連鎖店代言人的祖兒，今次穿上紅色運動服配金絲眼鏡，化身「日系」高校女教師，其造型與日劇《我miss係大佬》的仲間由紀惠有幾分相似。

少女們氹氹轉圍住古仔大跳其經典「拜神舞」，似是向他致敬。

　　至於由日本、香港兩地女Dancers組成的學生妹，則大唱大跳由梁柏堅重新填詞的Remix版《今期流行》，MV中更出現不少港人集體回憶，包括大哥大電話、Game Boy及Walkman等「那些年」的潮物。

Mr. Cool加持MV網上洗版

祖兒在MV中大爆一句「我都係想聽古天樂唱呀」，不少觀眾都身同感受。

　　然而，全長約三分鐘的MV中，最大亮點絕對是戴墨鏡的古仔驚喜亮相，一班高校女生圍繞著他大跳《今期流行》的「拜神舞」，就連祖兒亦把握機會加入，齊齊「拜神」。

　　至於貴為金像影帝的古仔，則表現拘謹，未有一展舞技，不時笑笑口、拍拍手、轉個圈，相隔十多年後卻未肯再於鏡頭前跳唱其經典神曲，並幽默地拋下一句「黐線」，繼續保持其Mr. Cool形象。

　　古仔昨午亦在社交網轉發MV，並留言︰「大家期待已久，2018年拍番個MV先，多謝！」昨日該MV成功在網上瘋傳，很多歌迷指古仔未有跳舞唔完美；有觀眾則指MV難得有古仔大方自抽，已經無得輸。

古仔昨晚出席電影《犯罪現場》探班時，拒絕回應佘詩曼是否加盟他旗下的經理人公司。