合唱歌講姊弟戀 阿田怨被坤哥搵笨

　　【晴報專訊】田蕊妮與吳業坤（坤哥）老友鬼鬼，除了見證坤哥參加《超級巨聲2》入行，兩人更在劇集《迷》飾演兩師徒。坤哥早前邀請阿田合唱新歌《大女人主義》，並由黃偉文（Wyman）為她度身訂造歌詞講姊弟戀，坤哥直言啱晒阿田唱。

田蕊妮（右）與吳業坤（左）

　　坤哥、阿田前晚錄影《流行經典50年》，提到兩人將推出合唱歌，阿田竟不客氣表示被坤哥「跣」了一鑊。坤哥急忙解釋，Wyman問他有誰可以被擺上枱，坤哥即時想起阿田。他透露將會拍MV，並承諾把阿田拍得最靚、最動人。

　　MV中可有親熱鏡頭？坤哥說不會，笑稱有少少驚阿田老公杜汶澤，「佢係（空手道）黑帶，加埋依家個身形就多多驚。所以MV係藝術成分重啲，唔好太關注肉體，不過我都好鍾意阿田嘅內衣廣告，田蕊妮好正，身材又好。」

歌唱比賽入行

　　阿田參加亞視的歌唱比賽奪金獎入行，她在《流行經典50年》再次獻唱當年參賽歌《一首獨唱的歌》。她表示︰「1993年參加唱歌比賽入行，之後一直無做過同音樂有關嘅工作，喺我覺得同音樂距離愈拉愈遠。入行20年後，才有機會出唱片。」阿田笑稱今次被坤哥「老點」，但強調兩人合唱是值得和好玩的。