考獲美國律師牌 麥明詩唔排除退出娛樂圈

　　【晴報專訊】近日考獲美國執業律師牌的麥明詩，昨日偕王君馨、羅天宇等宣傳劇集《是咁的，法官閣下》。提到網民提議她轉行做律師，麥明詩坦言將來不排除退出娛圈，但不捨得幕前工作，所以暫未有計劃。

麥明詩坦言考律師牌很辛苦，但總算達成心願。

　　麥明詩昨日在小西灣一間學校宣傳劇集，大受學生歡迎。提到她自修苦讀三年考取美國律師資格，她坦言平日工作忙碌，一有時間就溫書。

麥明詩昨日被不少學生集郵。

　　對於網民力勸她退出娛圈做真‧律師，她笑說︰「都唔排除呢個可能，女仔都要為自己打算下，可能去到某個年紀，無咁多嘢拍。」但她強調現時沒有長遠計劃，自己仍是全職藝人，問父母可有催促她轉行？她說︰「佢哋都開心，因為多個資格傍身都無壞，但係佢哋想我快啲結婚多啲！」

　　麥明詩指若將來在香港執業，需要三年考取本地律師牌︰「如果繼續做幕前，我無法專心讀書，但三年無收入，屋企又未必得，所以要取得平衡都唔容易。」

羅天宇否認弟弟戀劉穎鏇

羅天宇透露稍後在新劇扮健身教練，要苦練「震波」。

　　同場的羅天宇提到其同母異父的弟弟胡㻗，疑與港姐劉穎鏇秘密交往，羅天宇代弟否認戀情︰「我有問過細佬，佢哋唔係拍拖，係好朋友，嗰日佢收工順路接劉穎鏇返屋企。」不過他讚胡㻗與劉穎鏇都生得高大又有長腿，外形合襯。

　　另外，王君馨最近被拍得摸肚行街疑似有喜，她笑笑口否認說︰「其實張相係兩個月前影，嗰日睇完醫生好肚餓，成個人無力所以扶住助手。」她坦言工作排到明年底，她想在事業衝刺，暫未打算做媽媽。