與網紅夜遊爆戀情 姜濤急澄清︰我唔諗拍拖

　　【晴報專訊】日前姜濤（姜B）被網民拍到與網紅「墨爺」夜遊銅鑼灣，女粉絲眾多的姜B疑似被私有化。昨日他現身活動時，解釋只是在街頭偶遇對方，並坦言暫時未考慮拍拖。大量姜糖不捨偶像脫單；有人則支持他享受愛情生活！

　　19歲的姜濤外貌似足台灣男神彭于晏，去年憑ViuTV真人騷《全民造星》彈出，他與其中11位參賽者於年尾組成男子組合MIRROR闖樂壇，更多次單飛拍廣告，IG已累積超過五萬「姜糖」，加上他曾在訪問中承認從未拍拖，因此贏得不少女粉絲歡心。

花姐︰識女友要我過目

　　不過，日前有網民拍到他與少女網紅夜遊銅鑼灣，女方輕倚姜B狀甚親密，令外界估計這位男神脫單。

代表MIRROR出席慈善跑的姜B（後排右三），爆出緋聞後，依然心情大靚。（圖片︰iBakery愛烘焙麵包工房）

　　昨日，MIRROR到中環出席慈善跑活動，姜B一如所料成為焦點，他在經理人花姐陪伴下受訪，並堅稱自己仍然單身。他說︰「我喺銅鑼灣遇到佢（墨爺），只係送佢去搭車，可能角度問題被好多人誤會！媽咪都有問我真定假！」花姐更聲稱以人頭擔保姜B無拍拖，若他想拍拖，必要她過目才有機會做他女朋友。姜B又向女粉絲派定心丸︰「對方只是我啱啱識嘅朋友，依家拍拖唔止係我一個人嘅事，仲要對好多人負責，所以我唔會咁輕易拍拖。」

墨爺在IG不時發泳裝照呃Like，獲網民留言大讚電死人。（IG圖片）

　　不過，很多姜糖卻害怕失去男神，有粉絲直指聽到消息「喊出嚟」；有人卻認為時移世易，偶像亦有拍拖的權利。事實上，這位網紅曾客串ViuTV的劇集，亦經常在YouTube出打機片，外貌似足日本妹，未知是否啱姜B口味。

姜濤在社交網出Po為化妝品及零食品牌宣傳，吸金力冠絕MIRROR。（IG圖片）