由直升機打到落海 鄭嘉穎林峯埋身肉搏

　　【晴報專訊】由古天樂、鄭嘉穎、林峯及周秀娜主演，黃百鳴監製、林德祿執導的新片《P風暴》，動作設計比前三集更突破，當中一場鄭嘉穎與林峯的空中打鬥戲，劇組除了租借直升機在高空拍攝外，又花百萬打造一比一玻璃纖維直升機拍攝機艙內的動作，兩位男士在逼真場景下，打得更為肉緊投入。

　　《P風暴》的一場直升機打鬥戲，講述林峯挾持周秀娜，鄭嘉穎為救女方，與林峯在直升機上激烈打鬥，林峯更千方百計想將嘉穎推落海，最後直升機爆炸，三人齊齊跳海。拍攝時，嘉穎及林峯在狹窄的機艙內打架，拍到滿身瘀傷，不過二人十分敬業說︰「預咗會有損傷！」

周秀娜濕身演出

雖然在直升機打鬥時受傷，但嘉穎與林峯表現輕鬆。

　　原來二人上一次合作，已是14年前的電視劇《Yummy Yummy》，嘉穎說︰「我同林峯識咗好耐，但合作拍動作戲都係第一次，我哋有好多場動作打鬥戲，依家先知阿峯嘅身手唔錯。」林峯笑說︰「都係多得嘉穎錫住我，除咗喺直升機對打，喺監倉入面都有唔少打鬥場面，差唔多每日一埋位就要打。」

周秀娜感激嘉穎拍攝時十分照顧她。

　　相比兩男打餐飽，周秀娜明顯舒服得多，她在片中以內心戲為主︰「內心戲好多，喺直升機呢場戲，我要暈低、掙扎、掙扎後又醒番，不過都好感激嘉穎同阿峯照顧，因為直升機入面真係好狹窄，好容易被打中。」娜姐在直升機爆炸時跳落海，上演出水芙蓉場面，幸好拍攝時正值炎夏，即使濕身也不會太難受。