老婆視角 嘉玲曬偉仔日本賞櫻照 粉絲：迷人笑容花美男

　　【晴報專訊】梁朝偉（偉仔）與太太劉嘉玲近日拍拖遊日本，昨午嘉玲在IG上載二人在當地賞櫻的照片，偉仔站在櫻花樹下，大騷其招牌憂鬱電眼及少見的溫柔笑容，短短九小時已勁吸三萬個Like。不少網民讚春風滿面的偉仔電死人；名副其實「你是如此難以忘記」！

　　早前偉仔與內地富豪馬雲在東京的飯局相聚，齊齊摸酒杯底講男人經。昨午，偉仔愛妻嘉玲特別在IG發布多張「老婆視角」的照片，相中電力強勁的偉仔被櫻花包圍，大擺多個cute爆甫士，完全不似已經56歲的大叔，偉仔身穿的外套更印有Driver字樣。嘉玲留言︰「春風拂面！」偉仔其後亦在個人FB上載自己的照片，並稱︰「愚人節快樂。」

阿Sa勁讚好靚仔

偉仔無論化身花美男還是Chok爆型佬，同樣令女粉絲心動。

　　一向不苟言笑的偉仔「激罕」賣萌，好友杜德偉亦忍不住留言取笑兄弟︰「人比花更嬌！」後輩蔡卓妍就展現心心眼，並留言︰「好靚仔呀，救命！」至於粉絲喜見偉仔的嬌俏表情，都大讚他是花美男；有女影迷更自稱已被電暈。

劉嘉玲在櫻花包圍下玩公仔，充滿少女情懷。

　　其實，嘉玲前日已率先在IG貼出偉仔揸機的「老公視角」賞櫻照。相片中的嘉玲拿着一對KAWS x Dior BFF公仔，更玩得如同大細路一樣。此外，從嘉玲的IG Stories所見，梁氏夫婦賞櫻後轉場到當地的居酒屋飲啤酒歎海膽，相信二人一定玩得勁開心。

上月初，嘉玲與鍾鎮濤、舒淇聚會，三人皆獲網民稱讚如同吃了防腐劑。