奉命關照洪永城女友 翠如：一定要同阿嫂影相

　　【晴報專訊】黃翠如與梁諾妍（Inez）前晚一同出席時裝品牌活動，兩人一見面即擁抱，翠如更主動與Inez合照。翠如踢爆日前已收到Inez男友洪永城（Tony）的「奪命追魂call」，吩咐她好好照顧「阿嫂」。

黃翠如（右）大讚梁諾妍與洪永城非常合拍。

　　黃翠如前晚一見梁諾妍即拉對方合照︰「我唔同佢影相會被人（洪永城）鬧！」翠如受訪時笑說︰「洪永城幾日前已經搵我，仲打咗四次電話，叫我要好好照顧阿嫂，同埋一定要影合照。我從來唔覺得我喺洪永城心中係咁緊要，係真愛，令我好有家長感覺，如果唔影合照，佢會煩我好耐，會嬲我。」她笑言曾叫Inez做「阿嫂」︰「不過Inez聽到我咁叫佢無乜反應，可能洪永城仲未表現得好好。」翠如大讚Inez與洪永城非常夾，又指洪永城向來喜歡運動型女生，希望他們盡快有好消息。

　　另外，早前翠如盛傳懷孕，她再三澄清未有喜，又指近來拍劇太忙，與老公蕭正楠很少見面。問到「造人」計劃更難實行？她笑說︰「其實我享受緊做老婆先，近排整咗個粉絲蝦煲，材料係老公同曹永廉去買，呢個『小三』（阿廉）成日想破壞我哋關係。」

梁諾妍笑男友肥

洪永城

　　同場的Inez近來十分忙碌，除了她有份投資的健身中心搬新地方外，稍後她亦飛往日本跑馬拉松，男友洪永城不會同行。提到洪永城近來「幸福肥」，她笑說︰「我都有提佢跑步做運動，佢近排肥咗啲，我都想佢試下半馬，我會多啲督促佢，希望佢瘦啲。」

何超蓮以可愛髮型出席時裝活動。