15/05/2019
群星拍片籲全城走塑 梁詠琪教女兒減廢
【晴報專訊】梁詠琪(Gigi)、郭偉亮(Eric Kwok)、文詠珊及汪詩詩等,昨日出席《不要膠下去》運動啟動禮,齊響應本月30日舉行的香港首個「減塑環保日」。已為人母的Gigi身體力行,讓四歲女兒Sofia從小學懂環保的重要。
在記者會現場,播出由攝影師夏永康操刀的宣傳短片,多達60位藝人包括郭富城、鄭秀文、袁詠儀、王菀之、劉嘉玲、葉德嫻及楊千嬅等參與拍攝,呼籲大眾在日常生活中減少使用一次性塑膠如外賣盒、膠袋及膠飲管。
梁詠琪稱女兒送上自製心意卡當母親節禮物。
梁詠琪表示支持環保需要好大勇氣,日常生活要以身作則教育小朋友,不過她都試過去超市買餸忘記帶環保袋,反而靠女兒Sofia提醒她。Gigi補充說︰「我從小就向女兒灌輸想法,唔好為地球增加垃圾,有時佢(女兒)要求買玩具、用膠叉,我會問她:『係咪真係有需要?』佢就會明白,會話畀我知『唔要』。」講到Gigi拍宣傳片時,不斷被跌下來的膠盒掟中也目不轉睛,她笑言拍戲訓練有素︰「我已經練到講對白、唱歌時被風吹都唔眨眼。」
Eric Kwok將膠網塞入口
Eric Kwok宣揚環保意識。
Eric Kwok在片段中把膠網塞入口,他表示活動策劃人之一劉清儀(Tansy)是其同學,「Tansy話有洗過啲網,效果好震撼,亦好感動。因為我啲口水黏住啲膠,好核突,佢哋話唔緊要,鯨魚、海龜都食咗好多網落肚,好多都係咁死。」此外,文詠珊表示與未婚夫也響應環保,習慣自備飯盒、餐具和保溫杯。
轉載自: 晴報
【與拍賣官看藝術】常玉作品屢創天價,背後其實藏著跌宕起伏的人生► 即睇