• |
  • 極速報價
  • |
  • 會員
  • 產品服務 / 串流版
  • 設定

16/05/2019

化身「火龍果」惡搞祖兒受歡迎 張敬軒:出場費仲貴過我

  • 加入最愛專欄
  • 收藏文章

  【晴報專訊】去年曾化身「降兩度」開音樂會的張敬軒(軒仔),早前為了惡搞容祖兒MV,再自創新角色「火龍果」,結果大受歡迎。軒仔昨日出席時裝活動,表示品牌曾提議他以「火龍果」身份出席,又笑說:「不過我唔想『火龍果』咁囂!」

 

軒仔笑言「火龍果」這類二次創作無傷大雅,大家亦睇得開心。

 

  張敬軒、MIRROR成員姜濤及王麗嘉等,昨日到中環出席手袋品牌活動,現場吸引過百名姜濤的粉絲到場支持,當姜濤出場時,粉絲發出震耳欲聾的歡呼聲,連軒仔也笑言自愧不如。軒仔大讚姜濤粉絲無得頂:「姜濤去到邊都咁犀利,我每次見到都覺得老懷安慰,因為覺得本地藝人好有號召力,自己fans嗌得唔夠大聲,可能我同fans都老喇!」

 

軒仔在胸前兩邊貼火龍果扮女人,結果大受歡迎。(影片截圖)

 

  提到軒仔早前以女裝造型化身「火龍果」,惡搞容祖兒新歌MV,結果大受歡迎,連品牌也希望他以「火龍果」造型現身。軒仔說:「如果『火龍果』以獨立角色出嚟,出場費仲貴過張敬軒。我返自己嘅餐廳,人人見到我都叫我『火龍果』,而唔係軒仔,好開心創作出話題。」

 

王麗嘉Po裸照惹猥瑣留言

 

  問軒仔會否讓「火龍果」與生果檔合作?他笑說:「睇下有無人搵我做火龍果代言人。反而我想拍套《火龍果大戰降兩度》嘅電影,簡稱降火。『火龍果』會出新單曲,同埋做我嘅澳門演唱會嘉賓。」

 

王麗嘉坦言自己踏入24歲感覺很老。

 

  同場的王麗嘉日前在網上Po在浴室拍攝的露股全裸照,她表示相片由媽咪馬詩慧操刀:「因為媽咪話個廁所好靚,佢都知我放上網。」提到她關閉了相片的留言功能,她說:「因為有男人留好核突同鹹濕嘅留言,仲tag埋我爸爸(王敏德),我見到好唔舒服。」她表示相片以外國標準來說相當普通,反而香港不少人戴有色眼鏡看她,令她不開心。問她日後會否不po性感照?她說:「唔會,而且爸爸無唔開心,以後有靚相都會照放上網。」

 

  另外,提到王麗嘉剛度過24歲生日,問她會否恨拍拖?她笑說:「暫時工作先,可能因為我生得太高,啲男仔驚咗我,而且香港男仔普遍唔算高,我希望將來嘅男朋友高過我。」

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生