14/02/2020
拍節目奉旨拍拖 何廣沛朱晨麗同遊杜拜
【晴報專訊】朱晨麗(朱朱)與緋聞男友何廣沛近日經常合作,在劇集《大醬園》談情之餘,早前更獲無綫安排結伴同遊杜拜,拍攝旅遊節目《3日2夜》。二人出埠朝夕相對幾天,感情似乎昇華不少,朱朱更直認與何廣沛拍攝愉快。
何廣沛與朱晨麗無論戲裏戲外都甚有默契。
朱晨麗為了今次旅程獻出多個第一次:「第一次同何廣沛拍旅遊節目、第一次出埠拍呢類節目、第一次去杜拜、第一次去沙漠、第一次玩刺激高空跳傘!本來劇組取消咗跳傘項目,但我極力要求,難得有呢個機會,點都要玩一次,年紀大未必再有呢個膽量,趁依家仲夠膽,就玩下留個紀念。」對於杜拜的印象,朱朱以為只得天氣熱及金碧輝煌,沒想到親身感受是兩回事:「去到當地感覺好舒服,建築物好靚,仲有室內滑雪場,乜都有得玩。」
自備靚衫出鏡
朱晨麗以阿拉伯女郎打扮現身,相當搶鏡。
為了今趟旅程,朱朱特別訂造幾套靚衫,連髮型也視乎不同環境及內容而轉變,又趁機影了不少靚相。朱朱說︰「唔知會唔會係最後一次拍,要把握每次機會,做人都係,抱住最後一次嘅心態,就會做到最好。」
談到與緋聞男友何廣沛同行,朱朱表示與對方已合作很久,早已有默契,由於何廣沛拍攝綜藝經驗較多,所以拍攝時指導她︰「佢會話畀我知點樣做會再好啲,撞出火花同話題,令到成件事再搞笑啲,觀眾會睇得更投入,用學習心態去拍,所以拍得好愉快。」
轉載自: 晴報
【你點睇】本港主要銀行跟隨美聯儲減息,你對樓市前景有否信心?► 立即投票