• |
  • 極速報價
  • |
  • 會員
  • 產品服務 / 串流版
  • 設定

09/03/2021

聞UA結業感心酸 洪金寶慨嘆人生無希望

  • 加入最愛專欄
  • 收藏文章

  【晴報專訊】洪金寶昨日偕太太高麗虹到元朗鄧氏宗祠出席電影《邊緣行者》開鏡儀式,早前盛傳身體不適的他,昨日所見精神飽滿,中氣十足,撐拐杖行路仍然敏捷。對於電影業蕭條,洪金寶慨嘆香港人拍香港電影,不知何時會完結;對於百姓生活困苦,他也非常感觸,坦言只能幫手流淚。

 

洪金寶與UA老闆不熟,笑言唯一認識的老闆是太太高麗虹。

 

  洪金寶昨日與任達華、任賢齊等出席開鏡儀式,現年69歲的洪金寶戴上防疫透明面罩現身,之前為健康成功減磅的他,依然保持招牌大肚腩。已兩年無拍戲的他說:「呢排日日休息,都休息咗年幾兩年。梗係拍戲開心啲,雖然今次係客串,但香港電影有嘢繼續做,絕對開心,香港人拍香港電影,都唔知幾時會停。」

 

  洪金寶坦言得悉UA院綫結業,十分感慨︰「可能遲啲發行公司、戲院倒閉,連電影、電視都無得睇,要聽番電台,遲啲香港乜都復古。(對UA結業好欷歔?)梗係,我以前成日行戲院,每個星期六、日就去戲院睇觀眾反應,同埋睇自己同老死麥嘉嘅戲,依家都無呢支歌仔唱。」

 

任賢齊太入戲要搬走

 

任賢齊(右)在新片中飾演任達華的社團跟班。

 

  身為影壇大哥大,洪金寶十分佩服香港的電影公司在疫情下仍然開戲,問他會否減片酬以支持本地同業?他笑稱︰「如果係香港政府就唔減,政府大把錢,如果係同業就有得商量。(希望政府對電影業更多資助?)唔講呢啲,人生無希望,唯一希望係香港仲有啲空氣呼吸下,遲啲連空氣都無!睇新聞見到啲老百姓生活情況,好心酸,我好想幫,但我幫唔到咁多,唯一可以幫佢哋流眼淚!」

 

  同場的任達華與任賢齊在戲中飾演社團中人,小齊大讚任達華十分照顧眾人。提到角色亦正亦邪,小齊為免將角色情緒帶回家,決定另租地方暫住:「出得嚟行預咗要還,之前試過拍戲時將情緒帶番屋企,成個人兇神惡煞,所以都係搬出去住。」此外,提到台灣歌手陳昇證實患口腔癌,小齊說︰「我有問候佢,佢情緒ok,希望大家健康平安。」

 

轉載自: 晴報

我要回應

放大顯示

精選文章

  • 生活副刊
  • DIVA
  • 健康好人生