• |
  • 極速報價
  • |
  • 會員
  • 產品服務 / 串流版
  • 設定

21/10/2021

消費100萬換個唱飛兼入後台? Anson Kong、Ian@MIRROR擔心鏡粉捱貴飛

  • 加入最愛專欄
  • 收藏文章

  【晴報專訊】人氣男團MIRROR成員陳卓賢(Ian)及江熚生(Anson Kong)昨日到尖沙咀出席品牌慈善活動,提到六位鏡仔將於12月開騷,但有指「換飛」門檻極高,要消費天價100萬元才獲得門票及入後台合照的機會,Ian及AK坦言正了解情況,又提議設立演唱會網上直播。

 

「Ianson」難得合體出席品牌慈善活動,兄弟相聚特別開心。

 

  陳卓賢及江熚生昨日登上直升機欣賞維港,首次坐直升機的AK自爆有畏高,所以心情緊張。問他可會攬住Ian定驚?AK笑說:「咁又唔會,我係又要驚又要玩嘅人。」至於Ian十分期待直升機之旅:「因為我細個嘅夢想係做飛機師,今次望晒成個維港,相信會好靚。」

 

AK與Ian登上直升機,沿途欣賞維港景色。

 

  有傳MIRROR明年七月首度開紅館騷,AK說:「我哋都係睇報道先知,未收到正式通知。」有指他們開足十場,AK說:「唔知係咪真,確實係未知,花姐(經理人黃慧君)話會再話畀我哋聽。」提到六位鏡仔將於12月在會展開演唱會,有指要100萬「癲價」消費才能換取門票及後台合照機會,AK說:「我哋唔知換分嘅價錢係點,有聽fans講咁樣仲難過買飛,我哋都了解緊。」Ian坦言唔開心:「每次一有騷都幾擔心,擔心fans買唔買到飛,或者要買黃牛,都幾唔開心,開騷都係想報答fans,所以希望多啲朋友睇到。其實我之前同馮允謙嘅騷都有網上直播,可以緩解情況,大家入唔到場都可以網上支持。」向公司提出意見?AK說:「有講過網上直播,主辦單位研究緊。」

 

Ian拍籃球劇勁興奮

 

Ian(右)與姜濤這對「哥與弟」組合,將合作拍籃球劇曬球技。(網上截圖)

 

  另外,Ian將與姜濤拍攝ViuTV籃球劇《季前賽》,Ian笑說︰「幾開心,因為我好鍾意打籃球,其實我成日約姜濤打籃球,但都約唔成,今次終於一齊打,但有啲擔心到時開拍,可能我哋太興奮,淨係掛住打波。」AK則透露明年初與另外兩位隊友拍劇,但未公布詳情;至於他主持的節目《Have A Sweet Gym》將於下月播出,他親自為嘉賓製作甜品,平日經常大展廚藝的他自誇︰「火箭都識整呀!」

 

轉載自: 晴報

【限時優惠】申請etnet強化版MQ手機串流報價服務,加送$50禮券! ► 立即行動

我要回應

你可能感興趣

放大顯示
名廚煮場

精選文章

  • 生活
  • DIVA
  • 健康好人生