• |
  • 極速報價
  • |
  • 會員
  • 產品服務 / 串流版
  • 設定

28/12/2018

民記年度漢字又嚟喇 頭、二獎有伏 三獎好眼熟

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  年年民建聯(民記)都會整返個年度漢字選舉,話畀市民「公投」最代表到呢一年嘅漢字喎!Jenny仲記得上年係個「貴」字,負責公布結果嘅張國鈞仲話,皆因香港乜都貴呀嘛!今年又係咩字呢?Jenny只可以話,結果真係估你唔到……

 

 

要揀就揀「順」「民」

 

  今年就唔係張國鈞公布,而係搵咗民記元老、立法會前主席曾鈺成噃!今年嘅候選漢字就有「順」、「民」、「樓」、「公」、「風」、「通」、「守」、「地」、「禁」、「判」,結果就係個「順」字以5838票當選,高過第二名嘅「民」字差唔多成倍吖!曾前主席仲即席揮毫,親手將個年度漢字寫出嚟貼上去添!

 

  曾前主席就話,今年市民揀個「順」字出嚟,相信每個人都有唔同嘅準則,就好似第二同第三名嘅「民」同「樓」,就可能係市民希望民生做好啲、解決到住屋嘅問題;又或者好似上年嘅「貴」同埋前年嘅「亂」,冇人鐘意「貴」同「亂」,但係市民就覺得呢兩個字反映到呢兩年嘅社會,都會揀佢哋做年度漢字,所以今年嘅「順」字,有可能係代表社會嘅現象,又或者係市民嘅願望。

 

港航送機票? 不如抽部華為好少少

 

  曾前主席仲引《說文解字》話,「順之,所以理之,未有不順民情而能理者也」,即係話如果管治者不順民情,係唔可以管理好個社會嘅,亦都相信市民揀呢個字,不只想而家「順」,未來都要繼續「順」喎!

 

  按照慣例參加投選嘅市民都有得參加大抽獎,但留意返,頭獎同二獎嘅獎品都係由香港航空送出㗎,港航近排發生咩事大家都知喇……Jenny仲收到最新消息,佢哋嘅首席運營官都認「公司正渡過少少困難」。所以如果中咗嘅話,都係要快啲祈求港航「順」利過難關喇!

 

  望望個三獎先,咦!又係你呀?華為!原來民記仲學埋新民黨葉劉,拎咗部華為手機出嚟抽!如果一個唔好彩港航有咩事,三獎就變頭獎,得獎者順手愛埋國!Prefect池!

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生