• |
  • 極速報價
  • |
  • 會員
  • 產品服務 / 串流版
  • 設定

28/03/2019

【職場麻煩人】同事,你問夠未?「不睇就問」的同事其實是時間小偷!

  • 加入最愛專欄
  • 收藏文章
  • Michael & Derek

    Michael & Derek

    著有《我做媽劇停》一書,撰寫「市場」及「職場」兩大類文章。經常與不同機構及院校合作舉辦Marketing及職場座談會。

    本欄每周四更新

    我做Marketing

  職場上,不恥下問係美德。

 

  工作上遇到唔明白嘅地方,不論職位高低,虛心向人求教,值得表揚。

 

  但不恥下問呢個美德有一個前設,就係你先要有付出,有嘗試努力去搵過答案。最終搵唔到,無辦法之下先去請教別人。

 

  如果自己全無付出,或者試都無試過去搵答案就走去問人,呢種其實唔係不恥下問,而係「不睇就問」 —— 睇都唔睇,有理無理,問咗人先。

 

  「想問下最新嗰個 output file 擺咗喺邊?」—— 其實所有 final output file 不嬲都擺喺同一個 share folder,係佢自己無 bookmark 條 link,定係第一日嚟返工?

 

  「記唔記得個客話要印幾多本 brochure?」—— 同個客嘅 email thread 我同你都喺 cc list 入面,我睇到幾多你都應該睇到幾多,除非你根本無睇過個 email。

 

 

  唔知大家身邊有無一啲係唔係都問人嘅同事?呢類同事經常會令人處於兩難:花時間答佢呢啲咁簡單嘅問題,好似浪費緊自己嘅 working hour,唔答佢又好似好無禮貌。

 

  不睇就問嘅同事大多數都係睇人嚟問,即遇到相熟、較 junior,或經常有問必答嘅同事,佢哋會更加有恃無恐。要減低呢類同事嘅倚賴性,其實要先從自己著手。遇到一啲理應大家都知道答案嘅問題,你應該有禮地狠心拒絕,例如「Output file 不嬲都喺嗰個 folder,我仲記得你上星期先有上過去 download,自己睇下啲 history 啦」;又例如「個客前兩日個 email 有寫 brochure 數量,你可以睇返」。

 

同事,你問夠未?

 

  以上答法聽落有啲不近人情,但如果對住一啲長期不睇就問嘅同事,有禮地狠心拒絕其實係一個有效防止情況惡化嘅方法。如果繼續從善如流、有問必答,只會助長呢類同事「偷取」自己同其他同事嘅時間,以換取佢自己一個人嘅方便。

 

  職場上,不恥下問係美德,不睇就問係缺德。

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生