元朗米埔自然保護區｜步走大自然2026：濕地守護者集合

Name: 元朗米埔自然保護區｜步走大自然2026：濕地守護者集合
Start: 2026-11-14
End: 2026-11-15
Location: 米埔自然保護區

節慶活動文化藝術親子活動

★★★★★

1張圖片

活動簡介

【致被選中嘅你】

當你睇到呢封信(呢個post)，就代表米埔呢片奇妙濕地正喺度召喚緊你！

一年一度嘅「步走大自然」將於11月回歸！今年嘅活動主題係「濕地守護者集合」，特別加入角色扮演元素。嚟到米埔呢個濕地世界，你將由選擇三大職業角色開始：

保育專家－掌握生態奧秘
米埔村民－傳承在地記憶
基圍漁民－身懷拿手技藝

透過解鎖唔同身份，用各自嘅專屬視角去完成任務，你將會親身體驗米埔濕地守護者嘅智慧、經驗同技藝，了解佢哋點樣保衛濕地同維持社區生計，再逐步領略點樣可以管理好一片珍貴濕地，最終搖身變成為一位全面嘅「濕地守護者」（終極角色！）

米埔濕地嘅大門正為你打開，你準備好踏上旅程未？
集合啦，濕地守護者！

喺10月18日或之前使用早鳥優惠碼 ^「26W4NEARLY30」報名，即可享7折優惠！
https://www.wwf.org.hk/w4n/ (Link in bio)

「步走大自然2026：濕地守護者集合」
日期：2026年11月14至15日（星期六及日）
地點：米埔自然保護區
形式：於指定路線自行探索
時間：早上9:00 至下午5:00
對象：5歲或以上（16 歲以下人士必須由成人陪同參與）
更多活動內容將陸續發布，敬請期待！
^優惠碼只適用於門票折扣，其他額外體驗並不適用
活動籌得款項將用於支持WWF嘅保育工作

日期、地點

2026年11月14日（星期六） - 2026年11月15日（星期日）

2026年11月14至15日（星期六及日）
9:00am - 5:00pm

米埔自然保護區

從上水方向： 1.紅色小巴於上水廣場側新發街乘17號紅色小巴至米埔村，車程約20分鐘；於担竿洲路下車(近米埔村如圖B)，沿担竿洲路步行至米埔訪客中心(圖A)，需時約20分鐘。 2. 公共巴士於上水火車站乘76K巴士往「米埔」站下車(近米埔村) (圖B)，車程約30分鐘；然後從米埔村沿担竿洲路步行至米埔訪客中心(圖A)，需時約20分鐘。從元朗方向： 1. 紅色小巴於元朗水車館街乘17號紅色公共小巴至米埔村，車程約10分鐘；於担竿洲路下車(近米埔村) (圖B)，沿担竿洲路步行至米埔訪客中心(圖A)，需時約20分鐘。 2. 公共巴士於元朗鐵路站步行至朗日路南邊圍的「新元朗中心」巴士站乘九巴76K往「米埔」站下車(近米埔村) (圖B)，車程約15分鐘；然後從米埔村沿担竿洲路步行至米埔訪客中心(圖A)，需時約20分鐘。