• |
  • 極速報價
  • |
  • 會員
  • 產品服務 / 串流版
  • 設定

21/01/2020

40歲生日「擺大壽」 方力申:老友帶靚女出席

  • 加入最愛專欄
  • 收藏文章

  【晴報專訊】方力申(小方)前晚到演藝學院欣賞舞台劇《今晚打老虎》,下月將40歲生日的小方,笑言本打算孤伶伶度過,誰知一眾好兄弟表示要介紹單身靚女給他,令他決定大事慶祝。

 

方力申(右)喜歡脾氣好的女生,梁漢文即大唱反調,笑言愛女生脾氣臭。

 

  方力申、梁漢文(Edmond)及胡定欣等,前晚欣賞由潘嘉德執導、錢嘉樂、楊詩敏(蝦頭)、黃智雯及袁偉豪主演的舞台劇《今晚打老虎》尾場。

 

  小方自爆有兩張門票,但因朋友「甩底」,結果獨自到場。下月將40歲生日的小方,目前仍是「鑽石王老五」,他笑言根據自己的命格,有機會在鼠年覓得另一半。他笑說:「大家都知我『大壽』啦,本來我諗住孤伶伶過,但我身邊十幾個兄弟話每人帶個單身女仔嚟我個生日派對,咁就要搞嘞。」

 

  提到擇偶條件,小方笑言揀女友一定要脾氣好:「如果脾氣臭,幾靚都無用。」至於Edmond則表示前晚特意支持潘嘉德:「因為佢(潘嘉德)係第一個搵我做劇集男主角,拍《廟街•媽•兄弟》。」

 

黃智雯袁偉豪鬥爆肚

 

(左起)袁偉豪、黃智雯、蝦頭及錢嘉樂,期待在舞台劇巡演時再合作。

 

  黃智雯、袁偉豪(Ben)、錢嘉樂與蝦頭前晚完騷後接受訪問,黃智雯笑言與Ben鬥「爆肚」:「因為係最後一場無仇報,所以講明爆肚,阿Ben仲即席jam咗首英文歌。」Ben則自爆:「我同智雯跳舞嗰陣,我哋兩個頭套黐住咗,好彩無扯甩。」

 

  錢嘉樂與蝦頭在劇中演情侶,二人互相大讚有火花及默契,希望將來再合作。錢嘉樂又感謝潘嘉德的邀請︰「我都做咗幕後咁耐,成日諗住啲爆炸、跳樓呀,個人成日都唔開心,今次做番演員,搵番做演員嘅感受。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生